COLLAR

Marf邱彥筒上節目大爆料常被誤認是菲律賓人 初中更因遭同學欺凌而留下陰影

流行娛樂

廣告

ViuTV人氣女團COLLAR日前上陳志雲YouTube頻道《Stephen.傾》節目大講入行心聲及成長生活點滴。一向問題尖銳見稱的陳志雲就令COLLAR成員講到喊,當中人氣王Marf透露原來時常被人誤以為是菲律賓人,自爆初中曾被同學欺凌而留下陰影,更大講IG的「失言」一事。

被誤認是菲律賓人的由來

陳志雲的個人YouTube頻道節目《Stephen.傾》日前踏入第100集,同時亦宣布畫上句號,最後一集請來初出道人氣女團COLLAR的8位成員擔任壓軸嘉賓。節目中,人氣王Marf(邱彥筒)盡訴心聲,並提到自己英文名的由來:「其實我英文名全寫係Marife,係我媽咪個姑姐改嘅,呢個名好似係阿拉伯文,近呢兩年識咗班菲律賓朋友之後,就發現原來Marife喺菲律賓係有好多個,所以好多菲律賓跳舞老師就會問我係咪菲律賓人。」

COLLAR Marf 陳志雲的個人YouTube頻道節目《Stephen.傾》日前踏入第100集,同時亦宣佈畫上句號。
陳志雲的個人YouTube頻道節目《Stephen.傾》日前踏入第100集,同時亦宣佈畫上句號。(圖片來源:[email protected]志雲頻道 stephenchannel截圖)
Marf 最後一集請來人氣女團COLLAR的8位成員擔任壓軸嘉賓。
最後一集請來人氣女團COLLAR的8位成員擔任壓軸嘉賓。(圖片來源:[email protected]志雲頻道 stephenchannel截圖)
COLLAR Marf Marf透露常常被誤認是菲律賓人。
Marf透露常常被誤認是菲律賓人。(圖片來源:[email protected]志雲頻道 stephenchannel截圖)
COLLAR Marf 網民留言。
網民留言。(圖片來源:連登討論區截圖)
COLLAR Marf 網民留言。
網民留言。(圖片來源:連登討論區截圖)

初中遭同學欺凌留陰影

至於談到Marf中三轉校到香港兆基創意書院的經歷,她坦言與初中被同學欺凌事件有關:「當時因為一啲學校嘅唔愉快想轉環境,同屋企人講好唔開心,好大壓力。多數係啲冷暴力,佢哋冇掂到我嘅,但係會令你好唔開心,好唔想返學,其實係有陰影嘅,對人際關係有恐懼,或者防備心會好重。以前冇同父母講太多,係最近多傾偈,先知道點解我會想轉校,原來當時係咁辛苦。」

女上,Marf自爆初中被同學欺凌而留下陰影。(圖片來源:[email protected]志雲頻道 stephenchannel截圖)

COLLAR Marf Marf一度眼泛淚光。
Marf一度眼泛淚光。(圖片來源:[email protected]志雲頻道 stephenchannel截圖)
COLLAR Marf Marf一度感觸落淚。
更感觸落淚。(圖片來源:[email protected]志雲頻道 stephenchannel截圖)

初入行大膽怒斥雜誌主編

另外,Marf入行以來最經典是在個人IG的「失言」行為,公開鬧爆雜誌主編挑戰她的底線,雖然她已經火速delete post,但仍然被截圖,成為全城熱烈討論話題。Marf被問到事件經過時,她說:「當時唔知自己撳錯掣已經post咗。朋友即刻打電話嚟問你係咪真係想post㗎?其實真係想好似寫日記咁記低呢件事,唔係諗住公開……係我真實心聲」陳志雲問她當時有否感到害怕,Marf續說:「一開始係有啲擔心,最擔心係呢件事影響到團隊以及其他身邊人,個人嚟講我就真係撳咗,發洩咗感受,好彩係依家發生,已經汲取咗經驗。」

COLLAR Marf 節目上Marf亦有解釋番曾在IG鬧爆雜誌主編事件。
節目上Marf亦有解釋番早前在IG鬧爆雜誌主編事件。(圖片來源:[email protected]志雲頻道 stephenchannel截圖)
Marf 人氣女團COLLAR在節目尾聲有跳唱表演。
人氣女團COLLAR在節目尾聲有跳唱表演環節。(圖片來源:[email protected]志雲頻道 stephenchannel截圖)
COLLAR Marf 大跳熱舞。
COLLAR大跳熱舞。(圖片來源:[email protected]志雲頻道 stephenchannel截圖)

撰文:東方新地圖片來源:[email protected]志雲頻道 stephenchannel截圖、連登討論區截圖資料或影片來源:[email protected]志雲頻道 stephenchannel

YOU MAY ALSO LIKE ...