網民考古Marf@COLLAR三年前MV 中間分界好true好pure 網民：呢啲先係女團！

流行娛樂
ds ds ds

廣告

COLLAR成員Marf（邱彥筒）自《全民造星4》後一直備受網民關注，最近被網民考古搵出佢3年前曾在歌手黃淑蔓〈一定要得〉mv，發現一直走型格路線的marf原來17歲時中間分界外形清純甜美，時隔3年形象突變，被網民指簡直認唔到係同一個人！
Marf Marf下個月就踏入20歲，大個女。
Marf下個月就踏入20歲，大個女，早前出席品牌活動大玩型格勁cool。（圖片來源：IG@_marifemarife_）

Marf三年前甜美登場：好true好pure！

Marf還有唔夠一個月就踏入雙十年華，這位渾身是勁的COLLAR風頭躉，擁一身健康小麥膚色，形象爽朗好有型，但最近有網民考古，翻出三年前她在歌手黃淑蔓的MV〈一定要得〉亮相的畫面，原來Marf都可以好甜好可愛。

Marf Marf於3年前黃淑蔓的MV〈一定要得〉中演出，她以長黑髮中間分界登場。
Marf於3年前黃淑蔓的MV〈一定要得〉中演出，她以長黑髮中間分界登場。（圖片來源：IG@feannasswag）
Marf Marf側側面笑得好甜。
Marf側面笑得好甜，皮膚白滑如鄰家少女。（圖片來源：IG@feannasswag）

Marf中間分界滲出清秀氣質

當年Marf為MV演出時只有17歲，只見身穿校服的她擁有一把烏黑長髮，中間分界並沒留蔭，這個髮型為她增添了幾分清秀氣質，而且當時的她皮膚白哲，跟現在cool到爆的格調完全截然不同。

Marf 成班同學仔一齊跑，長髮飄飄的Marf寧舍出眾。
成班同學仔一齊跑，長髮飄飄的Marf寧舍出眾。（圖片來源：IG@feannasswag）
Marf 片尾的演員介紹，當時17歲的Marf係DSE學生，個笑樣好平易近人。
片尾的演員介紹，當時17歲的Marf係DSE學生，個笑樣好平易近人。（圖片來源：IG@feannasswag）

網民：Marf好有明星相！

雖然MV中大部分是群戲，不過Marf跳得又睇得，被安排企前排跳舞，到尾聲介紹演出者時，Marf對住鏡頭露出甜美笑容，字幕簡介︰「邱彥筒 Marife 17歲 2020年 DSE考生」。有網民睇完個MV指Marf當年已好有「明星相」，不過亦有網民指Marf明明可以走甜美可愛路線，點解正式出道後就成日黑口黑面扮Cool？

Marf 以前的Marf曾經打扮得好女性化，少女味好濃。
以前的Marf曾經打扮得好女性化，少女味好濃。（圖片來源：IG@_marifemarife_）
Marf 其實Marf額頭生得好靚，唔留蔭都幾好睇。
其實Marf額頭生得好靚，唔留蔭都幾好睇。（圖片來源：IG@_marifemarife_）
Marf 有網民問Marf點解依家成日黑口黑面。
有網民問Marf點解依家成日黑口黑面。（圖片來源：IG@_marifemarife_）
Marf Marf與其餘7位COLLAR成員已成為廣告新寵。
Marf與其餘7位COLLAR成員已成為廣告新寵。（圖片來源：廣告發相）
Marf 日前COLLAR為某銀行拍廣告，個個要吊威也，得Marf唔使，不過佢都係Cool到底完全唔笑。
日前COLLAR為某銀行拍廣告，個個要吊威也，得Marf唔使，不過佢都係Cool到底完全唔笑。（圖片來源：廣告發相）

撰文：東方新地圖片來源：IG@_marifemarife_、IG@feannasswag

最高人氣 TOP 5