MakerVille發佈會 Mirror公布官方粉絲後援會杜琪峯言論被網民讚爆

Q: MakerVille是什麼？

MakerVille是電訊盈科媒體集團旗下新公司，主要由魯庭暉帶領... 詳情請看

Q: MakerVille未來會有什麼發展大計？

MakerVille會專注內容創作及力捧男、女團，其中2大新劇備受關注... 詳情請看

Apr 29 2022

MakerVille發佈會於今日（27日）3時舉行，繼ViuTV 上星期（19日）傳出人事變動，總經理魯庭暉離任，改由資深廣告人鍾廣德Clement擔任。魯庭暉改為電訊盈科媒體集團旗下新公司MakerVille 擔任行政總裁。而MakerVille發佈會在魯庭暉帶領下，大講未來方針、宣傳未來新劇、ViuTV藝人大曬冷以及公布Mirror成立官方粉絲後援！

宣傳2大新劇杜琪峯成焦點：成日都講Mirror多咗啲！

發佈會一開始邀請導演、監製大肆宣傳嚟緊新劇，籃球喜劇《季前賽》、游泳新劇《i.SWIM》等。其香港著名導演杜琪峯亦有到埸，被谷德昭問到熟唔熟悉ViuTV男團Mirror時，杜琪峯即表示：「又嚟？好似多咗啲，成日都提佢哋。」原來意思指Mirror其實已經大家都知，應該講吓啲再新啲嘅例如女團Collar，亦指以前佢哋嗰個年代每年都有新人，不過現時就大有不同，谷德昭表示其實都有新人嘅，杜琪峯即說要「抦」谷德昭，反問新人是誰，谷德昭即表示「新啫，我無話佢好嘅。」杜琪峯即大讚谷德昭「肥仔，你瘦咗之後醒咗。」。另外講到現時電影圈問題時，杜琪峯還指現時戲院像「試映室」，返屋企睇仲好，錯口指「屋企食得煙」，谷德昭即幫手兜圓埸說「係錯嘅呢個行為」，即惹笑埸。

男、女團表演公布Mirror官方粉絲後援會

魯庭暉於MakerVille發佈會一開始講出未來方針專注於內容創作、藝人管理及活動管理未來，似乎會集中火力大捧男、女團，先由Error表演後，久未露面的P13XL亦有份演出，後來再有最近大熱女團collar，及壓軸表演Mirror。Mirror仲跳唱新歌《Innerspace》。表演完畢後宣布出道3年的Mirror成立正式官方粉絲後援會，而且加入後可享有不同的粉絲福利，例如禮盒、粉絲們最關注的優先訂購演唱會門票及見面會，詳情將會於Facebook公布，期望可以與粉絲們更加拉近距離！