女團Lolly Talk「走甜」改團徽改造型 網民反感：點解變咗COLLAR咁？
Lolly Talk奪叱咤生力軍組合銀獎
Lolly Talk成員，來自《全民造星IV》參賽者黃詠霖（阿蛋）、郭曉妍（阿Yo）、陳紀澄（Tania）、鄭芷淇（Elka）、劉綺婷（Yanny ）、吳倩怡（Sinnie）、曾美欣（Meimei）和黃敏蕎（阿妹）自發組成女團LollyTalk。Lolly代表棒棒糖，而Talk是指八位成員的聲音，以青春、甜美的形象示人。
Lolly Talk新歌雷深如J.Arie創作
Lolly Talk預告第二首派台歌曲《一把火》，由雷深如J.Arie作曲，鍾說、甄敏延作詞，全新白衫型格造型率先曝光，不過卻被網民指激似COLLAR，跟COLLAR在今年叱咤頒獎禮上的歌衫激似，更連logo都改埋黑式白字，跟之前青春可愛校徽大相逕庭，惹來極多討論。
網民：還我可愛妹豬
網民大叫還我Lolk Talk可愛妹豬，「首歌叫一把火，我依家睇到真係一把火，以為COLLAR嚟」、「係咪直接硬撼COLLAR？」、「連logo都咁似COLLAR，以前粉色校徽可愛咪幾好」、「咁會變咗COLLAR咁GAO唔掂喎」、「不如改名火都嚟」、「有啲似大陸選秀海報」、「係咪轉咗COLLAR造型師？太COLLAR化唔掂囉」。
網民：太貪心！想食埋COLLAR個市場！
Lolly Talk改造型，有網民指「太貪心，係咪想搶COLLAR個市場？」、「又一個太大貪想食晒所有市場嘅錯誤例子，本來個青春設定咪幾好，仲乜玩百變型像，你估梅姐百變天后乜都carry到咩？」、「點解要扮COLLAR？咁我睇After Class算﹗」、「雷深如J.Arie出品，佢咁激會唔會灌輸咗啲大膽觀念畀班妹豬㗎？」、「啱啱站穩腳，就急住玩第二啲去吸其他粉，咁咪無咗舊嗰班粉囉」、「講真香港女團冇可能同韓國個啲由細 train 到大比，香港女團應該行日本 idol group 路線係賣青春親民，that’s why 三分甜個期咁大賣，負責個個人睇下啦，咁多人不滿」。
網民：唔係永久轉造型，可能下首歌又玩番可愛
網民反應激烈，不過亦有不少網民出口勸說，指Lolly Talk只係一首歌轉玩型格，請大家冷靜，「一首歌啫，下首又去番青春可愛，唔使咁大反應」、「佢哋第一首電競歌《8sec》都係玩型嘅，唔好咁大驚小怪」、「唔係永久轉look嘅，唔好咁大反應！」
Lolly Talk 成員有哪些？
Lolly Talk成員皆為《全民造星IV》的參賽者。成員包括劉綺婷（Yanny）、黃詠霖（阿蛋）、郭曉妍（Ah Yo）、曾美欣（MeiMei）、陳紀澄（Tania）、鄭芷淇（Elka）、吳倩怡（Sinnie）、黃敏蕎（阿妹），而COLLAR成員許軼（Day）亦曾為本團之始創成員之一…詳情請看
Lolly Talk 團名有什麼意思？
Lolly Talk原本是YouTube頻道的名稱。據悉 Lolly取自 Lollipop（棒棒糖），青春、甜美，想帶給大家一種甜蜜的感覺，而Talk正正是8位成員的聲音和說話，想將她們想表達的事情說出來。而現在作為團體的名稱，Lolly Talk就是標誌着人靚聲甜的女團。Lolly Talk的團體粉絲名稱則為「波板糖」…詳情請看
