緣路山旮旯｜岑珈其被KOL喪轟：竟然搵毒L王擔正 爺爺親自謙卑回覆獲讚

KOL喪轟岑珈其：竟然搵毒L王擔正 爺爺親自謙卑回覆獲讚

一位KOL「公仔生猛」近日在Facebook上出post，當中影評主要都是對主演岑珈其進行人生攻擊，先是直言：「竟然有人搵毒L王岑珈其擔正，拍一套咁X令人難受嘅後宮系作品。」之後字裡行間繼續針對岑珈其進行攻擊，當中就提及：「但佢血色稀薄嘅毒X嘴極具存在感，每一次見到佢大大力溝女，心裡面就X出聲，如果你入場，你會同我一樣，想跳入個SCREEN打X佢，想坐時光機欺凌佢，欺凌到佢大個唔敢做演員。」。

除了針對岑珈其外，他亦指電影只是借故事之名，做藉口純睇電影中不同山旮旯地區的景色。之後又指：「求其拋幾下「地方志」書包，就想加入剝削「香港懷舊」嘅行列，實屬大貪。呢條山旮旯橋甩皮甩骨，主要由於對啲「山旮旯地方」攝入淺，描述表面，彷彿任何情節換成第二個地點發生，故仔都可以順利運行，「香港元素」同套戲，其實根本未GEL埋。」

針對岑珈其的人生攻擊亦引來爺爺本人的親自回覆，他在留言區中都回應指：「多謝你嘅分享，我嘅樣衰令你難受，影響到你唔好意思，但我真係真係好鍾意做演員，就算你坐時光機返去我以前細個欺凌我，我都會想做演員。樣衰我改唔到，但我會努力再做好啲演出，希望將來可以得到你嘅支持。」。

爺爺的留言都引來網民激讚，認為他的回應大方得體，而且十分謙卑，亦不少網民認為岑珈其拍戲同拍劇都相當不錯，支持他繼續發展。而都有網民針對該KOL的發言展開炮轟，直指：「做人做到咁mean咁負面，好咩？」、「老實講，你可以唔鐘意依套電影，但請唔好人身攻擊仍在努力為香港電影努力的人。」、「其實駛唔駛咁刻薄？」等等。