KOL健吾鬧Edan「做明星就唔好扮real啦」連環狂鬧MIRROR加鏡粉

Dec 12 2023

MIRROR成員Edan呂爵安11月10日突然喺Threads連環發文抒發心情，長文回應MIRROR負評不斷的事，更溫馨提示粉絲即「爵屎」俾人印象唔好的問題，叫大家一齊反思吓。此舉令唔少網民都大讚Edan識管理粉絲，終於知道「粉絲行為偶像買單」的問題。不過似乎唔係個個都認同，KOL健吾轉發EdanThreads的文章，仲鬧佢「你做明星就唔好扮real啦」！

KOL健吾大鬧Edan「你做明星就唔好扮real啦」

KOL健吾轉發Edan千字文，大鬧Edan「你做明星就唔好扮real啦」狠指唔會有信Edan真係real，除咗「爵屎」之外，又寸Edan佢咁樣講嘢係咪變咗hater。仲大Edan話一鏡到底咁樣大家傾吓計，睇吓到時點，全文火藥味十足！

瘋狂追撃繼續鬧：邊個無受過嗰堆阿姐氣！

健吾鬧完再鬧，指呢幾年，邊個無受過嗰堆阿姐氣，疑意指mirror粉絲，大鬧紅嗰時就「有風駛盡𢃇」，而家廣告量下降就扮反省扮real，指出真正的real，就係當有人講錯嘢時，就會集體投訴人哋個page。除此之外，仲狠指跳唱表演就係三流級數，如果班fans唔周圍鬧人應該唔會咁討人厭。

kol 健吾健吾瘋狂追撃，再寸埋電台dj — 健吾瘋狂追撃，再寸埋電台dj（圖片來源：THREDS@kengophoto）

kol 健吾轉發其他人，指鏡粉好惡 — 轉發其他人，指鏡粉好惡（圖片來源：THREDS@kengophoto）

kol 健吾健吾相當生氣！ — 健吾相當生氣！（圖片來源：THREDS@kengophoto）

kol 健吾前日出完千字文昨日表示自己發燒了 — 前日出完千字文昨日表示自己發燒了（圖片來源：IG@edanlui）

健吾被狂鬧抽Edan水搏出位本人否認！

唔少網民對於健吾狂鬧Edan一事，都表示唔認同，仲話健吾係度抽Edan水搏出位。而事後健吾喺THREDS否認，再回應鏡粉再咁落去，真係粒星做1千分，最後都會被扣剩5分。

健吾踩MIRROR有前科MIRROR叱咤事件

MIRROR喺一月一日的在叱咤樂壇頒獎禮上成大贏家，無論團體還是個人名義，都獲得大獎，MIRROR、姜濤及Anson Lo分別獲我最喜愛歌曲、男歌手及組合大獎。頒獎禮雖已麈埃落定，但事後連日繼續成為熱話，賽果被不少網民非議，直指商台有偏幫MIRROR之嫌，不少實力人氣兼備的歌手全晚坐冷板凳。並狠批姜濤憑《鏡中鏡》奪歌曲獎第四位獻唱，以及MIRROR攞組合獎時唱《We All Are》都表現失準，但仍獲圈中藝人及資深傳媒人大讚。

kol 健吾 MIRROR 姜濤憑《鏡中鏡》獲歌曲獎第四位，雖然傷患未癒，但瞓身跪地獻唱，成為當晚焦點之一。 — 姜濤憑《鏡中鏡》獲歌曲獎第四位，雖然傷患未癒，但瞓身跪地獻唱，成為當晚焦點之一。（圖片來源：FB＠商台903）

kol 健吾 MIRROR 盧瀚霆首奪我最愛的男歌手獎。 — 盧瀚霆首奪我最愛的男歌手獎。（圖片來源：ViuTV影片截圖）

健吾：跟紅頂白！

KOL健吾當時亦有回應呢件事，在社交網發文「看到一些自稱是資傳媒人的人，為了討好鏡粉而寫的Mirror baiting真的覺得這一行很難撈」，火速引起網民激烈討論大表認同，有網民留言「好多資歌手都係咁啦」，健吾即回覆：「個個痴埋去話幫年輕人，有時我都會諗，你依家好紅好多嘢撈？哈哈哈」，又再留言「跟紅頂白，我明。」不少網民畀like。