連登仔屈Kenny害慘了老貓 千字文回應：完全無事垃圾站救返隻貓

連登仔驚恐虛弱的貓貓已捱唔住過咗世

有連登仔發現Kenny養貓日記去到第3日之後就無再更新過，IG都無再po出貓貓的照片，亦發現網民留言問貓貓的事，Kenny都罕有del晒，仲封埋留言唔俾人睇！搞到連登仔極度懷疑本來虛弱的貓貓已捱唔住過咗世，希望Kenny可以澄清交代貓貓近況。

Kenny健身教練千字文幫忙回應貓貓事件！4大整合

1.Kenny已帶貓貓睇醫生 身體完全無事只係耳仔有風

Kenny健身教練睇唔眼Kenny日日俾人鬧，幫忙解釋千字文回應貓貓近況以及解答網民疑問。首先指Kenny早喺上星期book咗獸醫帶貓貓去睇醫生，身體無任何傷痕，只係耳仔有風，下星期會再去覆疹，而點解隻貓睇落咁虛弱同埋唔肯食嘢，只係因為流浪貓入屋需要時間適應。Kenny唔再po貓同埋唔回應貓貓的事，只係因為健身教練建議Kenny唔好再講貓住，做返好先，廢事係咁俾人鬧，點知就因為咁傳出死訊。再解釋Kenny del 留言只係因為覺得啲人係咁誣蔑佢。

2.Kenny養貓只係為呃網民課金？

問到Kenny點解養貓，Kenny表示佢當時只係太嬲講晦氣說話，亦道歉表示知道自己講錯嘢，隻貓貓原來係Kenny喺垃圾站執返嚟，認為佢係垃圾站生活好慘，所以先會拎返屋企養，直播之後都買咗好多貓的日用品以及好多人教咗佢點養貓，屋企都已經裝好咗貓網。健身教練表示Kenny只係安全意識低，但係無心想傷害貓貓，雖然Kenny屋企安全過垃圾站，但混亂情況都唔太適合養貓。亦指已聯絡咗義工，如果有人比到貓貓幸福，Kenny都願意放手。

3. 好彩Kenny都唔係傻！

健身教練表示呢段時間相對Kennny其實有唔少網民間接想整死貓貓，事關Kenny直播同貓貓互動時，有網民竟然叫佢餵貓食朱古力等，話咁樣隻貓會醒神啲，仲叫佢拎貓出窗直播。健身教練表示好彩Kenny都唔係傻咋！

4. Hely老母：我信耶穌架點會掉隻貓落街！

Kenny之前直播其間，Hely老母曾經表示會掉隻貓落街、棄養等。Hely老母就解釋回應佢係鍾意貓，後生嗰時養過好多隻貓，但而家屋企太亂先唔想個仔養，又話自己係信耶穌，點會掉隻貓落街

網民：連登仔又炒車 借貓貓事件恰Kenny!

對於Kenny今次的千字文澄清，唔少網民都力撐Kenny，大鬧好多人無fact check清楚成件事就屈Kenny隻死咗隻貓，好似集體用呢件事嚟恰Kenny咁，叫Kenny好好加油做貓奴。