JPEX案丨2020年3大神預言命理師：林作23年破大財惹官非！
JPEX案丨命理師3年前3大神預言：林作無得撈保險破大財惹官非
對於近日林作被捕一事，有網民就發現Facebook一個命理Page曾喺2020年批中林作失業破財官非。2020年當時呢位命理師就批林作的命格，內容先帶出林作家庭環境、成長經歷，指林作2022年去到2023年林作會無得再撈保險「林作的而且確是有成功之處，不過持久力不足，亦即是信不過，和他合作好快玩完，即管看看2022年尾到2023年林作仲有冇得再做保險。」再批林作2023年時會大破財，生意做唔好之餘，仲要官非纏身「不過提醒一下林先生，2023癸卯年，會引發一次卯酉沖，這時開始母視有危險，事業，健康也衰敗。而自己也開始大破財，生意做不下去，或許條數太大，業績不夠要自己填番尐錢，甚至官司官非纏身，希望尐物業頂多貶值，未至於要變賣還債。」當時呢位命理家仲提醒林作「不要去得太盡，多陪伴媽媽」
JPEX案丨林作曾公開邀請 批完八字後拒絕
呢位命理師亦指出林作原來有公開邀請佢去保險團隊，跟佢搵食，當時難得有勁人邀請，命理師都非常認真考慮，就批一批林作八字，點知一批之下，就發現林作的「命」係唔可以為佢創高峰，所以命理師就拒絕咗林作，繼續做返老本行。命理師表示佢已經提晒林作，但佢都係唔信佢，搞到而家返唔到轉頭！唔少網民睇完命理師對林作的批算，都大感震驚「好擔心佢媽媽」「師傅又中」「師父好準」「好勁」原來呢位命理師之前已批過唔少明星名人，如黃曉明 Angelababy婚變、許志安鄭秀文感情出問題等。
JPEX案丨曾有風水師批林作10月7日行衰運
林作自己喺社交平台有出post睇風水，風水師傅稱林作10月7日前都會有突如其來的衰運，是正常的，能低調處理就低調。而另外亦提到有19個姓氏都剋住林作，包括媽媽王莉妮。神秘的風水師傅指「王、鄭、趙、鄧、廖、蔣、方、尹、仇、孔、文、毛、肇、葛、裴、甄、漢、元、爾」，並叫林作有需要的話可把他身邊的人名告之，再作批算，再強調「你10月8日開始就會行返好運」，叫他放心。
JPEX案丨林作：我仲信唔信風水佬好
林作神秘風水師傅身分惹好奇：我仲信唔信風水佬好 不過林作這次只貼出對話，並無公開師傅身分，令人開始討論其真身是誰。有人翻查林作Instagram，自他開中環公司以來，最活躍的師傅為七師傅，更曾有一個帖文指「師傅話我今次發啦」，不過就未知其真實身分是誰。而林作收到這個新訊息後都留言指「我仲信唔信風水師傅好」，其後再指自己為失業KOL。
JPEX案丨網民：香港啲姓都俾佢講晒啦
不少網民看到林作的消息後，紛指「等睇你有報應」，但有更多人對風水師傅的評論表示「得啖笑」，指「佢講晒香港啲姓咁濟」、「要斷六親啦咁」、「原來唔關JPEX事，係阿媽個800萬出事剋住個仔」、「裕美而家到底點，仲見到佢好正常咁出美容Story，林作10小時前仲有留言」、「林作今鋪點拆真係好想知，好睇過拳賽」。
將來還有什麼演唱會值得留意？
有不少歌手宣布舉辦演唱會，例如：黃妍、五月天、BLACKPINK澳門站、林敏驄、周杰倫、COLLAR、Twins、鄭秀文、鄭欣宜、許冠傑、Backstreet Boys；喜歡K-pop的你亦有福了，ITZY和NCT DREAM亦在香港開演唱會、Apink！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
