JPEX案｜網民：林作證明咗「因果報應」唔敢蒲頭力數3大問題：樹大招風！
廣告
JPEX案︳香港證監會發表聲明指虛擬資產交易平台JPEX無牌經營，林作捲入事件當中，傳聞佢係JPEX合伙人之一，雖然不斷於社交平台上發聲明同割蓆，但似乎無效，18日被商業罪案調查科拘捕，坐咗超過24小時後一改「高調」性格，唔少網民對於「抽水王」林作被捕一事，都表示簡直係「因果報應」！
林作坐完一改「高調牙擦」性格 停更社交平台
林作因抽水鑽石山慘案被保險公司炒魷魚，林作即玩加密貨幣，9月初先喺中環開新鋪「林作炒幣」，其母親投資800萬支持兒子，林作鼓勵投資者開設JPEX帳戶，兌換虛擬貨幣。點知一開鋪不久，就爆出JPEX風波，林作被捕後店鋪「林作炒幣」傳出已清場倒閉消息，據悉新店月租26萬，簽咗2年死約。林作坐咗超過24小時「臭格」後被保釋，保釋金為30萬元，林作出嚟後一改「高調牙擦」性格，無更新社交平台，無進行直播，仲迴避記者訪問只係開記召交代一下，據知呢段時間將會思考下人生同喺屋企做乖乖仔陪母親過中秋。
網民：簡直係「因果報應」
唔少網民對於林作由鑽石山慘案被公司炒魷魚到今次被捕，認為簡直係「因果報應」！網民假設林作當日無口臭抽水鑽石山慘案，就唔會俾公司炒魷魚，又可以繼續撈保險，就唔駛轉行玩加密貨幣。有網民就認為呢個係林作本身性格令到佢出事「報應唔敢講有無，但人就忌覺得自己好叻，目空一切，本身正正經經做律師，又高尚，加埋佢老母啲人脈，點會咁9，就係佢成日覺得自己好叻咪搞成咁」「只係證明同款鞋真係有關係」「多行不義必自斃」「牙詐就係不知天高地厚，純粹靠老母生存」「係證明裕美剋夫」不過有網民就唔認同「唔會覺得佢覺得今次係報應」「仲未係，而家咁小事」「其實係佢母親報應，淨係寵個仔，有律師唔做唔去stop，做保險就搵客比佢周圍點火頭，又唔教佢收聲，做幣又幫佢租office，搞到個仔隨時坐監」「玩夠咪返去做兒子。 冇咩好輸」「就算佢繼續做保險都會搞JPEX」
圖片來源：IG@jolamchok
