JPEX案林作記者會丨5大重點「林作炒幣」已倒閉！網民錯重點：英文好差
JPEX案林作記者會丨林作唔回應JPEX案情「林作炒幣」已倒閉
林作喺記召一開始就表示唔會回應JPEX案情內容，而林作新開月租26萬店鋪「林作炒幣」傳出已清場倒閉消息，林作記召證實此消息係真，喺前日（20日）已終止租約，所有業務都中止咗。林作亦表示邱吉爾係佢偶像，佢係樂觀主義的人，雖然佢而家有好多嘢想做，但而家因為要協助調查的時候，所以要等待還佢清白之時佢先會再做其他的事，佢係會幫受因為呢件事受影響的人士。未來一定會協助相關的機構，直到事件水落石出，希望事情盡快得到解決，同搵出幕後主腦。
JPEX案林作記者會丨林作走後門疑因為「警民合作」
林作比起之前開記召謹慎咗好多，喺記召上被記者問到的問題都好多都唔回應，因為指係關於JPEX案情，而且有啲回答前都會問一問律師意見，不過網民就指林作英文麻麻，又搞笑指林作被英語問問題時，都要叫律師幫佢翻譯，又指林作本來都係律師都要下下問律師意見等。被問到林作出返嚟之後點解走後門，林作就暗示似乎係因為要「警民合作」的情況下所以要走後門。
JPEX案林作記者會丨林作係「最成功的失敗者」？
林作表示佢母親非常擔心，發生呢件事後同女友的關係更加拉近，而且知道網路上成日話佢職業係「兒子」，指母親都有財政上支持，不過佢自己都要面對今次的教訓。被問到發生JPEX被捕後，今次之後仲可以撈咩？仲點俾到人信心，林作表示發生呢件事後，收到好多人的關心好感動，同埋特別指明睇到一個打氣說話令佢好感動，其內容係指林作先係最成功的人，因為佢係「最成功的失敗者」，佢的成就係不斷失敗都可以行落去。最後林作講述由被炒後，經歷咗好多嘢，形容呢段時間真係過得不容易，但人生要積極面對。
將來還有什麼演唱會值得留意？
有不少歌手宣布舉辦演唱會，例如：黃妍、五月天、BLACKPINK澳門站、林敏驄、周杰倫、COLLAR、Twins、鄭秀文、鄭欣宜、許冠傑、Backstreet Boys；喜歡K-pop的你亦有福了，ITZY和NCT DREAM亦在香港開演唱會、Apink！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
