Johnny Depp官司丨Amber Heard聲明再次強調女權問題：女人無自由架啦！
廣告
Johnny Depp與Amber Heard的「世紀誹謗案」終於在6月2日美國時間3點（香港凌晨3點）落幕，最後官司的勝出者由Johnny Depp奪下，2人其後分別於社交網站IG發表聲明，就連聲明的like數都係Johnny Depp比Amber Heard壓倒性多！而2人的聲明中Amber Heard繼續強調女權問題！
Amber Heard聲明：感到無比失望
Johnny Depp與Amber Heard世紀官司落幕後，2人分別於IG發表聲明，Amber Heard的聲明中表示自己對於審判的結果真係無比失望，佢指出自己已經拎出堆積如山的證據去指證Johnny Depp的問題，但仍然被認為係指證不足，抵擋唔到前夫Johnny Depp的勢力、影響力。而且相信Johnny Depp的成功只係因為令到陪審團忽視最關鍵的問題「言論自由」！
Amber Heard再次強調女權問題！
Amber Heard從發生與Johnny Depp的問題開始就一直強調女權、人權自由等。今次聲明中，Amber Heard同樣唔會放過，佢指出今次的審判的結果基本上等同於對所有女性的一個挫折，時代根本並沒有進步，當女性發表聲明、言論時，仍然是有機會被人公開金，今次的審判係推翻了認真對待暴力問題的女性。暗示住男、女平等，以及女權係呢個時代的問題。聲明中Amber Heard仲有強調言論自由的問題，認為呢樣嘢令佢更難過，自己失去作為美國人應有的言論自由，並唔可以自由地發表自己的想法。
Johnny Depp聲明：我重生了！
Johnny Depp聲明中相對表現愉快的心情，多謝相信同支持佢的人，自己終於平反自己呢6年嚟的冤屈，亦指出當初打呢埸官司係經過深思熟慮，無論結果如何只係想揭開真相，同時鼓勵有相同經歷的男女。單單睇聲明like數，Johnny Depp的聲明獲得過千萬的like以及超多人留言支持。
圖片來源：IG@amberheard, ig＠johnnydepp, YouTube@Law&Crime Network
