YouTube界男團JFFT人氣大爆發 廣告代言數量僅次MIRROR 吸金力超驚人!
JFFT深受年輕人追捧 成軍10年進軍電影界
JFFT由床哥、雞翼、良少和米爺組成,4人早在2013年創立YouTube頻道,從開台以來一直都係無厘頭搞笑拍Vlog路線,深受一眾年輕人喜愛。去年JFFT有份同《試當真》合作舉辦校花校草2022比賽,令其人氣直線急升。今年更進軍電視和電影界,分別客串ViuTV《極度俏郎君》和電影《超神經械劫案下》,風頭一時無兩。
![JFFT 近年受年輕一輩追捧,更捧紅多個潮語,如「0尊」、「Firm」等。](https://imgs.orientalsunday.hk/wp-content/uploads/2023/08/jfft_justforfun_331337358_6608290882517790_7560173103206982489_n_150578532264d5f96e76634.jpeg)
盤點5大JFFT廣告︱「百老匯」夥拍樂壇天后容祖兒
JFFT 4人近日衝出Youtube網絡世界,直接進軍埋電視廣告,夥拍樂壇天后容祖兒拍攝「百老匯」廣告。JFFT在廣告中化身AI,4位成員難得身穿西裝、官仔骨骨咁出現於大眾面前,該段廣告片喺IG更獲得過百萬View數。不少網民都為JFFT終於拍電視廣告感到非常開心:「冇辦法相信JFFT正式進軍埋電視廣告」、「百老滙今次係good㗎」、「JFFT就係咁firm」等。
![JFFT 表情夠曬鬼馬。](https://imgs.orientalsunday.hk/wp-content/uploads/2023/08/broadwayget-together-0-22-screenshot_108661512764d5cb08017a3.jpeg)
盤點5大JFFT新廣告︱「屈臣氏」同香港運動員玩大對決
人氣男團MIRROR亦有份代言嘅「屈臣氏」,JFFT近排都有份拍廣告。早前JFFT就與3位香港田徑運動員陳佩琦、梁筠宜同尹詩慧一起拍《體能之臣》,一齊大玩遊戲,進行大對決。雖然只有床哥、雞翼、米少三位成員參加節目,但依然超級落力,跑上跑落絕無欺場。
![JFFT 米少、雞翼、床哥為屈臣氏拍綜藝節目宣傳。](https://imgs.orientalsunday.hk/wp-content/uploads/2023/08/screen-shot-2023-08-11-at-1.18.50-pm_160273153864d5cc2bc78b5.jpg)
盤點5大JFFT新廣告︱化身IKEA店員看鋪造勢
除了屈臣氏之外,就連大品牌「IKEA」都搵JFFT拍廣告。早前就IKEA IG就出現JFFT 4位成員的身影,4位成員化身成為IKEA店員,幫手看鋪造勢!
![JFFT 最近於太古城有新鋪開張的IKEA都搵JFFT宣傳造勢。](https://imgs.orientalsunday.hk/wp-content/uploads/2023/08/photo_6242061673234019677_y_110899252164d5caff165e8.jpg)
盤點5大JFFT新廣告︱「UL·OS」紅雨搞爽快簽名會
由張敬軒代言的UL·OS男士護膚品品牌,早前都搵JFFT做宣傳,為4人舉行簽名會。簽名會消息公佈當時獲得網民熱烈支持,大家都紛紛留言「已經買爆」、「按咗寶馬山層樓支持」、「排隊排到西隧」嚟支持JFFT。不過可惜簽名會當日紅雨,只有十幾位粉絲到場支持。
![JFFT 連男士護膚品都有份代言。](https://imgs.orientalsunday.hk/wp-content/uploads/2023/08/ulos.hk_352393578_1061024408195938_7388018279316984587_n_193839430964d5cbd0e9ea4.jpg)
盤點5大JFFT新廣告︱「EA FC24」同達哥齊齊賣廣告
足球遊戲中最出名的「FIFA」最近新一係列的「FC 24」,熱愛足球的JFFT最近亦有在社交平台為「FC 24」大賣廣告,更大玩抽獎為粉絲們謀福利!
![JFFT 連大型遊戲FC24都搵佢地賣廣告](https://imgs.orientalsunday.hk/wp-content/uploads/2023/08/365728411_781468760650004_8894059467109413146_n_176124168164d5cb028198e.jpg)
同場加映:JFFT男團有實力 攞過獎仲同YT出歌
雖然JFFT經常以搞笑形象示人,但其實4人都係有返咁上下實力。JFFT於去年曾經於TONE MUSIC頒獎典禮中獲得三個大獎,又同過實力派周殷廷合唱出歌,點擊率更高達50萬Views,實力不能忽視。
![JFFT JFFT曾在TONE MUSIC AWARDS勇奪三個獎項。](https://imgs.orientalsunday.hk/wp-content/uploads/2023/08/jfft_justforfun_311488439_1700307377018314_353616672675554512_n_173174349164d5cafa2b82b.jpeg)