JFFT公關災難事件｜成員雞翼YouTube頻道直播怒轟Fans

Q: JFFT如何化解？

事後公關災難越發越大，JFFT四子決定舉行「拆彈大會」，即晚舉行「出走直播」，懲罰雞翼... 詳情請看

流行娛樂

Flexin

Oct 6 2022

YouTube頻道JFFT在近日都成為了城中熱話，四大成員雞翼、床哥、良少、米爺都成為了眾人熱捧的對象。一些潮語例如「Firm」、「零尊」等等都是來自他們的頻道。不過近日他們則爆出公關災難。

JFFT現公關災難成員雞翼YouTube頻道直播怒轟Fans

YouTube頻道JFFT近日都成為了一眾年輕人熱捧的Channel，雖然該頻道已經經營了一段時間，不過近日因為同另一個大勢頻道「試當真」大搞聯乘，令到其名氣都得以上升許多。另外四子的Live亦十分吸引觀眾收看。

Fans呻被拒影相

不過成員之一的雞翼近日在開live接call時卻出現公關災難。一名Fans打上節目當中，指雞翼在《Tone Music》音樂會上無視Fans的合照要求，對其直言：「我唔係個個都影」。之後雞翼立即爆晒粗反駁：「我X有講過呢句嘢啊！收X皮啦！」，指Fans屈佢。然後Fans又指雞翼一見到有女，就立即企埋去合照。雞翼則反駁指：「人哋揸X晒機，我企一企咋！」，指出自己非「揀人影」。

雞翼發火：你係邊X度！

之後雞翼開始真嬲，直接問Fans：「你依家係邊X度！我即刻過嚟同你影返」，然後Fans一直話沒有老屈佢，但雞翼不聽解釋，只是一直重覆：「你係邊X度！」，以及：「我一定冇咁講過」。在整個過程都沒有選擇道歉，有網民直言：「選擇性同fans影相都唔係咩大問題，但屈個觀眾而又唔道歉就有啲過咗。」。

雞翼知錯神招化解公關災難

事後公關災難越發越大，JFFT四子決定舉行「拆彈大會」，昨日（10月5日）舉行Live去指出該事件的確有影響，而雞翼都直指自己行為「過火」，四子更是即晚舉行「出走直播」，懲罰雞翼唔同人影相之事，所以決定在街上與100人合照，最後第100個便是當初被拒絕的Fans。網民都大讚今次JFFT的化解手法有料，又指比起其他YouTuber在遇上公關災難時，什麼都不做更好。