韓國女團IVE成員張員瑛爆紅 竟被韓國網民怒插4大點

1. 心機兼做作

張員瑛出道後上過唔少節目、表演，令佢人氣急升，不過亦有如此被網民大鬧佢性格心機又做作。最經典不能不提佢上《全知干預視角》節目中被影到食士多啤梨的樣，當時張員瑛雙手拎住士多啤梨嘟嘴食，而其餘成員都係單手，張員瑛就解釋士多啤梨太大拎單手拎唔到，即被網民狂批佢偶像包袱太重，認為佢因為喺鏡頭前裝模作樣，認為邊有人會咁樣食士多啤梨！當然亦有網民大讚佢食得好可愛「太犯規」。

2. 人品差同隊友關係差

張員瑛不斷傳出人品差，與隊友關係差的傳聞，特別係安兪真（Yujin），安俞真同樣是前限定女團IZ*ONE成員之一，當時係團綜《IZ*ONE CHU》時，就被拍到張員瑛當鏡頭面前，望一望安兪真後翻白眼，露出唔耐煩的表情。雖然事後就表示張員瑛只係因為副con唔舒服，眼睛好乾澀所以會擺出咁的表情。

仲有一次喺直播時，張員瑛以為其最細個的成員李賢瑞（Leeseo）著咗自己件衫，雖然李賢瑞已解釋係問第個成員借，但張員瑛都係堅持出手拉開李賢瑞件衫睇佢個衣服標籤，被網民認為佢好無禮貌，仲好似欺負團中最細個的成員。雖然後來亦有解釋因為前一日張員瑛先著完類似的衫，被粉絲追問下，為咗答粉絲問題先咁做。

3. 上節目耍大牌

IVE參加節目《兩天一夜》時，成員要抽籤決定參加獨木舟定纜車，張員瑛當時抽到獨木舟，一面不情願，後來要求與Liz交換不成，就搞到再次重抽，最後張員瑛終於如願以償抽到纜車。網民就認為張員瑛破壞遊戲規矩，全員因為佢要重抽，係耍大牌。不過就有網民指係節目效果，唔係耍大牌。

4. 花瓶跳舞唔認真

張員瑛被網民捉到佢出騷時經常跳舞跳得唔認真，認為佢因為有時跳舞動作大，要維持形象所以係其他成員用力跳舞時只係隨時扭兩吓。「看她之前表演就知道她一直都很賣力，這次是為了維持髮型吧」