受惡評騷擾IU怒告 「噁心」網友遭重判
廣告
韓國人氣歌手IU（李知恩）嘅經理人公司「EDAM娛樂」於21日發表聲明，公開涉事「散播惡意言論」網友提告結果，該網友因為長期發布惡意留言抹黑IU（李知恩），現已承認罪刑被捕，需判處8個月監禁，2年緩刑，社區服務同參加性暴力防治講座。
肇事者長期散佈惡意言論
「國民妹妹」IU出道多年，外型唔單止甜美、更加有一副好歌喉，無論喺韓國定海外都擁有大量嘅粉絲，但連一直無負面新聞嘅IU都無辦法避免網友嘅攻擊同惡意言論。EDAM娛樂發出公告表示網路上對IU嘅人身攻擊言論，無論係惡意誹謗定係散播謠言，或甚至侵害私生活等毀損名譽嘅行為，公司都會以法律途徑保護藝人。所以公司喺2019年開始積極蒐集網友對IU過度嘅侮辱言論同人身攻擊留言同發文，並向肇事者提告，而對方亦都已經承認所有罪行。
「惡言」網友遭重判
法院認為由於該名留言者多次並長期喺網上發布不當言論，以侮辱罪同名譽毀損等罪名判處，如日後再犯將再加重罪刑。事件曝光後，好多網友都紛紛贊同公司做法，但都有唔少網民表示因留言就被判咁重嘅刑罰而感到驚訝，表示：「到底寫了什麼要被判刑8個月？」、「性暴力防治講座？是寫了多少性騷擾言論」、「我偶像也算積極訴諸法律行動的，但我也是第一次看到這種結果，到底是寫了多誇張的惡評」令網民不禁懷疑肇事者係寫咗幾多人身攻擊同惡意言論。
圖片來源：IG@dlwlrma, [email protected]
