IT狗

IT狗|重溫《IT狗》大結局終極金句 主角凌文龍:無知是世故,短視是無奈

流行娛樂

廣告

一連二十集嘅ViuTV劇集《IT狗》終於都在大年初四(2月4日)大結局。劇情一如「大台理論」般,並沒有太大驚喜,但情節以及對白,卻是驚喜不斷,尤其是阿信(凌文龍 飾)在發布會上的一番說話,更成為全劇金句中的金句。

文:東方新地|圖:《IT狗》截圖

IT狗 觀眾要同PayPayDuck道別喇!
觀眾要同PayPayDuck道別喇!(圖片來源:《IT狗》截圖)

發布會上金句

大結局嘅高潮位,定非阿信潛入Moby發布會上與萬鈞(朱柏謙 飾)的說話,非常觸動人心,不少網民更直言此番對白「話中有話」,加上凌文龍的激情演繹,令此段戲份成為《IT狗》的最佳金句和總結:

或者到咗呢一刻,你仍然覺得我哋呢班人係蠢嘅。但我話畀你聽,香港創科欠缺嘅,從來都唔係咩技術,因為最好嘅技術,我哋二十年前已經擁有過。真正令到呢個城巿停滯不前嘅,亦都唔係你所講嘅無知或者短視,而係我哋對香港創科已經失去咗信任。我哋實在經歷咗太多欺騙、出賣,所以每一個人,都習慣咗喺畀人出賣之前,先將自己賣一個好嘅價錢。你所講嘅無知,其實係一種世故;你所講嘅短視,其實係一種無奈。佢哋嘅問題唔係蠢呀,係佢哋太過聰明,聰明到,明白唯有眼前嘅利益先至值得信任,但就算係咁,我知道仍然有一班唔夠聰明嘅人,努力為咗夢想,努力為咗呢個城巿嘅未來艱苦咁樣前行,或者呢啲就係你所講嘅蠢人。但係我同你講,佢哋,先至係一班真正有信念嘅人。只要我哋每一個人都堅守住自己嘅信念,我哋一定可以追返失去咗嗰20年,去搵返一個真正屬於我哋自己嘅未來。

萬鈞流住淚回答:「不過呢個世界唔係你話有夢想,機會就會畀你」阿信續說:

機會從來唔需要人畀,機會,係留畀有信念嘅人

IT狗 萬鈞被感動了。
萬鈞被感動了。(圖片來源:《IT狗》截圖)
IT狗 雙眼發出希望光芒的阿信。
雙眼發出希望光芒的阿信。(圖片來源:《IT狗》截圖)

阿媽現身

其實除咗發布會上的金句之外,大結局上依然有另一些重點。之前阿信(凌文龍 飾)經常到一個公園與一名婦人傾偈,阿信亦成功在她身上獲得支持和鼓勵,就連「Pay Pay Duck」個名都係由呢位婦人啟發。雖然阿信一直都沒有稱呼過對方,但只見二人聊天時態度親暱,看似關係非常親密。而在劇集中段,阿信亦曾經提過自己有時會幻想與亡母傾偈,那時已經有不少網民猜測該名婦人是否阿信的亡母。到最後一集,終於一如網民所想,該名婦人真係阿信亡母!

IT狗
(圖片來源:《IT狗》截圖)

仲有Locker演技爆發

IT狗 Locker化身外賣仔,入型入格!
Locker化身外賣仔,入型入格!(圖片來源:《IT狗》截圖)
IT狗 同佢以往喺劇集,或者YouTube平台試當真嘅樣相差好遠。
同佢以往喺劇集,或者YouTube平台試當真嘅樣相差好遠。(圖片來源:《IT狗》截圖)
IT狗 Locker終於唔係扮傻仔喇!
Locker終於唔係扮傻仔喇!(圖片來源:《IT狗》截圖)
IT狗 Lokman同Frenkie無啦啦跳舞都幾好笑!
Lokman同Frenkie無啦啦跳舞都幾好笑!(圖片來源:《IT狗》截圖)

尾段再爆金句

最後由一班主角創辦的PayPayDuck可以話係「贏咗場交,輸咗間公司」,因為被收購的1.2億泡了湯,但PayPayDuck本身亦非一間以牟利作為前題的公司,難怪Kennth(岑珈其 飾)以及Tony(LokMan飾)咁愁再爆金句啦!

Kennth:搞埋個咁嘅Business Model,又唔賣廣告,又唔賣資料,冇錢賺邊有人繼續投資落去㗎?

星之子Tony :係囉!又賺唔到錢,又唔肯放棄,咁我哋搞緊咩呀?

阿信:總會有人相信PayPayDuck嘅理念嘅!

IT狗 呢一句,相信有不少人都會很有共鳴。
呢一句,相信有不少人都會很有共鳴。(圖片來源:《IT狗》截圖)
IT狗 不過最尾都有人願意投資落阿信嘅願景之上。
不過最尾都有人願意投資落阿信嘅願景之上。(圖片來源:《IT狗》截圖)
IT狗 而阿信同蒙玲陳漢娜今 飾)亦都喺冇任何激情親熱戲、幾乎沒有任何親密接觸之下「修成正果」。
而阿信同蒙玲(陳漢娜今 飾)亦都喺冇任何激情親熱戲、幾乎沒有任何親密接觸之下「修成正果」。(圖片來源:《IT狗》截圖)

即睇大結局片段

睇到眼濕濕!

常見問題

農曆新年有什麼好去處及必買必食優惠推介?

農曆新年必定要和朋友、家人及另一半觀賞電影消閒一番,今年香港有4大超強卡士賀歲電影,一齊笑住過新年!視覺滿足完後,味覺都需要被滿足,為你整合新年盆菜外賣直送年糕優惠推介2023。如果想親自出馬,我們更為你準備了蘿蔔糕3大食譜黃金糕食譜,內藏黃金比例竅門,絕對必看!值得注意的是滙豐、中銀、渣打銀行可換新銀紙,即看:換新鈔及迎新鈔預約連結

2023上半年度演唱會多鑼鑼,有咩搶飛攻略?

隨著疫情過去,有不少歌手宣布舉辦演唱會,例如:陳奕迅演唱會「放寬位」購票連結周杰倫演唱會Twins演唱會鄭秀文演唱會Clockenflap梁詠琪演唱會鄭欣宜演唱會!為你整合了香港演唱會一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

圖片來源:《IT狗》截圖

YOU MAY ALSO LIKE ...