I SWIM|開播即惹負評 show肌肉都唔掂 網民不斷發文狂數臭?!

流行娛樂

廣告

被譽為ViuTV重頭劇嘅《I SWIM》主演除左首次擔正嘅魏浚笙(Jeffery),仲有MIRROR成員呂爵安(Edan)、王智德(Alton)同埋邱士縉(Stanley),配搭攞正牌曬肌嘅游泳劇情,可謂萬眾期待。一開播已經熱度高企,話題不斷,但未知係咪因為觀眾對該劇期望值同要求太高,開播短短3日已經不斷有網民從導演、劇情、角色、等多方面發文質疑該劇離地及唔够專業。

iswim
(圖片來源:ViuTV 電視劇《I SWIM》劇照)
iswim
(圖片來源:IG@jeffreyngai)

網民負評1:馮導對操水嘅認知不足

《I SWIM》由馮志強導演執導,該劇亦改篇自馮導執筆嘅同名原創小說,稱係透過真人真事改編。但有網民發文質疑《I SWIM》以游泳為主要劇情,但無論係小說入面對游泳動作嘅描述,到劇集中鏡頭呈現嘅操水姿勢及比賽過程都顯得唔够專業,同真實情況好大出入,劇中甚至連操水裝備都未見。而一啲泳手常見嘅小毛病/小習慣或者比賽常規動作都無出現。網民更直言「一睇就知無操過水!」。

iswim 有網民發文指身為導演加原小說作者嘅馮導對操水嘅認知不足。
有網民發文指身為導演加原小說作者嘅馮導對操水嘅認知不足。(圖片來源:LIHKG討論區)
iswim 有網民認同樓主意見。
有網民認同樓主意見。(圖片來源:LIHKG討論區)
iswim
(圖片來源:ViuTV 電視劇《I SWIM》劇照)

網民負評2:劇情離地又尷尬

係《I SWIM》開播第一集就已經有網民發文評論劇情發展離地唔真實。除左操水情節欠缺專業感,劇中並無教練外,劇中嘅學校背景設定普通,並非體育學校或者游泳專業學院,而主角們設定主要亦只係普通中學生,而劇情描述嘅比賽亦只是校內班際游泳賽,非校際賽或更大型賽事,但主角們對於呢場賽事嘅重視程度十分誇張,及對於比賽輸贏結果嘅亦異常執著,令觀眾感到莫名其妙。

iswim 不少網民認為比賽背景應該修改。
不少網民認為比賽背景應該修改。(圖片來源:LIHKG討論區)
iswim 有網民認為將班級比賽放得太大。
有網民認為將班級比賽放得太大。(圖片來源:LIHKG討論區)
iswim 有網民稱睇左兩集,但劇情圍繞班際比賽睇到好尷尬。
有網民稱睇左兩集,但劇情圍繞班際比賽睇到好尷尬。(圖片來源:LIHKG討論區)
iswim
(圖片來源:IG@jeffreyngai)

網民負評3:選角奇怪

主角們嘅演技除咗成為焦點外,係角色設定上網民亦有不少意見。例如由吳海昕飾演嘅新班主任Miss翁對同學態度奇怪,同呂爵安(Edan)飾演嘅李馬榮同學針鋒相對,看似有仇。而今次呂爵安(Edan)一改以往搞笑形象,飾演嘅李馬榮同學係一個較嚴肅嘅角色,對待游賽輸贏異常執著,為咗要贏幾乎招數百出,所作所為令人覺得詫異。而魏浚笙(Jeffrey)所飾演嘅余浪沖同學雖然演技被受讚賞,但角色設定亦令人感到莫名,小學時被稱游泳天才,但真實落水比賽時表現令人十分失望,反差太大。

iswim 又一網民從角色設定嘅角度發表意見。
又一網民從角色設定嘅角度發表意見。(圖片來源:LIHKG討論區)
iswim
(圖片來源:ViuTV 電視劇《I SWIM》劇照)
iswim
(圖片來源:IG@jeffreyngai)

網民評論不一:「睇肉就够」

現時《I SWIM》雖說引來不少網民負評,甚至有網民發文稱睇到好尷尬,中二病發作。但仍然有不少網民留言表示支持,認為剛開播幾日,可以再觀察下,更甚者留言稱睇主角們曬肌肉已經足夠。

iswim 再有網民發文表示睇完《I SWIM》感到尷尬。
再有網民發文表示睇完《I SWIM》感到尷尬。(圖片來源:LIHKG討論區)
iswim 亦有不少網民留言表示睇主角曬肌肉就足夠。
亦有不少網民留言表示睇主角曬肌肉就足夠。(圖片來源:LIHKG討論區)
iswim 以有網民客觀認為劇情安排可能別有用心,觀眾可以耐心少少再睇下往後發展。
有網民客觀認為劇情安排可能別有用心,觀眾可以耐心少少再睇下往後發展。(圖片來源:LIHKG討論區)
iswim
(圖片來源:ViuTV 電視劇《I SWIM》劇照)

關鍵詞
iswimViuTV
圖片來源:IG@jeffreyngai、ViuTV 電視劇《I SWIM》劇照、LIHKG討論區