I SWIM

I SWIM|Edan呂爵安 Jeffery魏浚笙泳池邊鬥騷肌電暈粉絲

流行娛樂

廣告

萬眾期待的ViuTV新劇《I SWIM》即將在7月11日(星期一)晚開播,以游水為主題就緊係會大騷肌肉啦,近日ViuTV推出了多張劇照同花絮片段,見到兩位主角Edan(呂爵安)同Jeffery(魏浚笙)於泳池中鬥泳,仲狂騷肌,令粉絲一飽眼福,網民都指《I SWIM》果然無令人失望!除了Edan和Jeffery外,其實仲有9大男神「爆」肌魅力,一定唔可以錯過,一文睇清角色介紹。

《I SWIM》Edan激讚Jeffrey:靚仔果然屈機!

在《I SWIM》新一輯宣傳照中,Edan和Jeffery一齊在泳池中鬥游水,在花絮片段中又見到Edan和Jeffery站在泳池邊,互相捉住對方隻手鬥力狂谷肌肉,對比之下,可以見到Jeffrey身上的肌肉明顯比Edan的更加厚實!Edan亦有在社交網大讚Jeffery:「靚仔果然屈機!水底影都咁靚仔。」Edan「正印」小儀就立即安慰他說:「唔好擔心,Jeffery係靚仔就梗㗎啦⋯⋯但你點都係贏嗰個!」似乎對劇情有所暗示!不過之後她就「補鑊」說:「我講笑㗎咋,個故事係點,我乜都唔知㗎!」

呂爵安 ISWIM 原本大家一直叫這部新劇做《i.SWIM》,不過睇翻ViuTV同MakerVille的官網,先發現劇集已經改名叫《I SWIM》!
原本大家一直叫這部新劇做《i.SWIM》,不過睇翻ViuTV同MakerVille的官網,先發現劇集已經改名叫《I SWIM》!(圖片來源:[email protected]
I SWIM 呂爵安 ISWIM Jeffrey個樣好似喊緊,睇嚟演技有進步!
Jeffrey個樣好似喊緊,睇嚟演技有進步!(圖片來源:[email protected]
I SWIM 呂爵安 ISWIM Edan大讚Jeffery個樣喺水底影都係咁靚仔!
Edan大讚Jeffery個樣喺水底影都係咁靚仔!(圖片來源:[email protected]
I SWIM 呂爵安 ISWIM 兩人喺花絮片中谷爆肌肉!
兩人喺花絮片中谷爆肌肉!(圖片來源:[email protected]

《ISWIM》11大男神逐個數:

今次ViuTV新劇《I SWIM》大講熱血青春游水劇,有不同泳隊一齊參加比賽,又點止有兩個游泳選手?劇中飾演游水健將的男神,計埋Edan和Jeffery在內,足足有10個!

【1】Edan 呂爵安 飾 李馬榮

25歲Edan劇中飾演泳隊隊長李馬榮(榮仔),是啟賢中學C班的全能泳手,從三歲開始習泳,蝶、仰、蛙、捷泳無一不精,卻一直被A班勁敵黃亞樂(Stanley飾)所帶領的接力隊壓制,直至余浪沖(Jeffery飾)轉校來到,令他重拾希望。劇中他和余浪沖、何大秋(George飾)、程子帆(Martin飾)是好友。

【2】Jeffery 魏浚笙 飾 余浪沖

24歲Jeffery劇中飾演天才泳手余浪沖(余仔),是啟賢中學轉校生,在第1集就轉到啟賢中學C班,成為C班游泳隊成員,擁有超強學習能力,與李馬榮(Edan飾)亦師亦友,其後加入C班接力隊,與隊友並肩作戰,創造奇蹟。

【3】Stanley 邱士縉 飾 黃亞樂

31歲Stanley劇中飾演校內明星兼運動健將黃亞樂,田徑、足球、排球獎牌常客,中四時加入了學校的游泳隊,成為啟賢中學A班學生兼游泳隊隊長,過往一直帶領A班游泳接力隊打嬴C班。Stanley原本就擁有健碩的身形,但他透露為了更貼近角色年齡,他要減肌但保持線條,並且要在一個月內學懂蝶、仰、蛙、捷泳四式,加上要在冬天拍攝游水戲,對他而言是多重考驗!

【4】Alton 王智德 飾 羅力森

32歲Alton劇中飾演A班泳隊主將羅力森,Alton一向標磅「肌肉就是力量」,不過他今次為了扮演中學生,同Stanley一樣要減磅減肌,變成鋼條身形!

【5】Martin 王智騫 飾 程子帆

25歲Martin曾參演過電影《熱血合唱團》,獲網民封為「翻版柯震東」,今次他在劇中飾演的C班學生兼泳隊成員程子帆(阿帆),是李馬榮(Edan飾)好友,也是C班接力隊的一員,游泳風格穩妥如其名,據知為了迎合這個角色,Martin以少糖少油飲食加運動積極操肌,成功變身為擁有六件腹肌的男神。

I SWIM 呂爵安 ISWIM Martin
Martin(圖片來源:[email protected]

【6】ANSONBEAN 陳毅燊 飾 章浩

21歲《全民造星3》季軍ANSONBEAN今次首度拍劇,飾演神秘泳手章浩,性格充滿自信、說話直接,將會同Stanley有火花四濺的對手戲,同時亦會有大騷肌肉的游水戲。

I SWIM 呂爵安 ISWIM ANSONBEAN
ANSONBEAN(圖片來源:寰亞MV發相)

【7】Phoebus 吳啟洋 飾 班長

25歲Phoebus繼《冥冥之中》後再拍ViuTV劇集,今次在劇中飾演C班學生兼游泳隊成員「班長」,和余浪沖(Jeffery飾)是自幼稚園已相識的老朋友。

I SWIM 呂爵安 ISWIM 左一係Phoebus!
左一係Phoebus!(圖片來源:[email protected]

【8】George 歐鎮灝 飾 何大秋

23歲George劇中飾演何大秋(九全/大秋),是李馬榮(Edan飾)好友,也是C班學生兼游泳隊成員。

I SWIM 呂爵安 ISWIM George
George(圖片來源:[email protected]

【9】Marco 葉振弘 飾

21歲Marco劇中飾演楊仕福,是A班學生兼黃亞樂(Stanley飾)的跟班。

I SWIM 呂爵安 ISWIM Marco
Marco(圖片來源:[email protected]_p1x3l)

【10】Ian 江卓科 飾 趙威

23歲江卓科英文名同MIRROR成員陳卓賢撞名,都係叫Ian,今次劇中他飾演來自A班游泳隊的趙威,作為新人的他本身都是一名游泳健將,因此亦擁有一身健碩肌肉。

I SWIM 呂爵安 ISWIM 江卓科
江卓科(圖片來源:[email protected]

睇返《I SWIM》嘅宣傳片:

女粉絲今次大飽眼福喇!

撰文:東方新地圖片來源:[email protected][email protected]

YOU MAY ALSO LIKE ...