Hip Hop頒獎禮

MC 張天賦做Hip Hop頒獎禮嘉賓被DQ 網民建議搵MIRROR:佢哋自稱Rapper﹗

流行娛樂

廣告

由廿四味成員阿Phat等發起的香港首個Hip Hop頒獎禮《Whats Good Music Awards 2022》將於下月6日舉行,日前大會公佈張天賦MC為特別表演嘉賓惹爭議,HipHop迷群起表示罷睇及棄飛,大會創辦人阿Phat同日宣佈取消MC的表演環節,不少人提議搵Mirror,引來更多爭議﹗

Hip Hop頒獎禮 Hip Hop頒獎禮本於今年2月舉行,因疫情延期至下月6日舉行﹗
Hip Hop頒獎禮本於今年2月舉行,因疫情延期至下月6日舉行﹗(圖片來源:IG@WhatsGoodMusicAwards)

Hip Hop頒獎禮|公佈MC張天賦任特別嘉賓即日被DQ

Hip Hop頒獎禮發起人包括廿四味成員Phat、JBS、Greytone Music創辦人Keni及JB,為了呢個香港史上Hip Hop頒獎禮之前不停四出宣傳﹗日前大會公佈MC張天賦為特別演出單位,即收到HipHop迷的反對聲音,「Whats Good Music Awards」籌備委員會即在同日發聲明宣佈取消MC張天賦的表演環節。

Hip Hop頒獎禮 大會日前公佈MC張天賦任特別嘉賓,隨即引起樂迷罷睇,大會同日宣佈取消該環節,連post都刪除埋﹗
大會日前公佈MC張天賦任特別嘉賓,隨即引起樂迷罷睇,大會同日宣佈取消該環節,連post都刪除埋﹗(圖片來源:IG@mcheung1201)

阿Phat:想帶不同音樂元素畀大家

發起人之一阿Phat拍片親自解釋,佢話:「我哋貼咗MC張天賦做表演嘉賓,大家反應好強烈啦,我哋睇到嘅,我講番我嘅諗法,我哋係想多啲不同元素音樂,好嘅同香港廣東話HipHop加埋一齊,我希望將多啲好音樂元素帶畀大家聽,我剩係咁諗,我諗唔到你哋會咁大嘅反應,我哋決定取消呢個環節﹗但我係失望,Anyway,有啲嘢我要講番,係你哋嘅損失,我單純想咁令件事發得大啲,好吖﹗到時見﹗」

Hip Hop頒獎禮 阿Phat順應民意取消張天賦任嘉賓,一樣被人鬧﹗
阿Phat順應民意取消張天賦任嘉賓,一樣被人鬧﹗(圖片來源:IG@WhatsGoodMusicAwards)

網民:MIRROR可以令全場爆滿

阿Phat決定取消MC張天賦表演環節,即有不人建議搵Mirror,「佢哋有人自稱係rapper﹗」、「Mirror都有成員自稱rapper」、「Mirror入面都有rapper不如請佢哋﹗」旋即引起更多爭議,網民留言反問十二個邊個係Rapper,有人留言叫佢去查維基,「佢哋只係rap吓呃飯食呢個係時代產物嚟嘅﹗」、「我查到係咪Lokman同王勁?吓,佢哋啲rap未夠班呀,得幾句﹗」、「兩個押韻就話Rap﹗」、「Lokman同Heyo合作過喎﹗」。亦有網民指搵MIRROR係一個好方法,因為「請Mirror就高招全場爆滿,Mirror一走全場清空﹗」、「宣佈搵MIRROR之後等賣晒飛再話取消囉﹗」等

Hip Hop頒獎禮
(圖片來源:IG@mirror.weare)

網民:呃飯食都當係rapper?

Hip Hop頒獎禮
(圖片來源:IG@WhatsGoodMusicAwards)
Hip Hop頒獎禮
(圖片來源:IG@WhatsGoodMusicAwards)
Hip Hop頒獎禮
(圖片來源:IG@WhatsGoodMusicAwards)
Hip Hop頒獎禮
(圖片來源:IG@WhatsGoodMusicAwards)

圖片來源:IG@WhatsGoodMusicAwards、LIHKG 討論區

YOU MAY ALSO LIKE ...