Gao＠Collar貼床照太犯規惹熱議隊友Ivy So嚇到遮眼：喂呀！

Oct 19 2022

Gao是Collar隊長，女團Collar為著MIRROR演唱會事故，久未合體現身，據知即將陸續復工。隊長阿Gao（沈巧貞）開始靜極思動，走開型格及肩負起跳舞擔當，日前忽然貼床照，令粉絲大為驚訝阿Gao轉行性感路線，在網上引起哄動，大叫太犯規太Hot！

Gao 阿Gao與隊友Candy。 — 阿Gao與隊友Candy。（圖片來源：IG＠gagarieo）

Gao ＠Collar 隊友畀足面

Collar隊長阿Gao近來甚少玩社交網，對上一次已經是兩周前，昨日忽然貼出床照，相中阿Gao半身挨在床上然後回眸，穿上露腰裝及短裙，眼神嫵媚，跟過去形象截然不同﹗而相中標誌在香港半島酒店，不知是否staycation還是工作？話晒阿Gao第一次，隊友紛紛留言讚Hot及Sexy，畀足面隊長！

Gao 阿Gao貼出兩張床照，擺出S甫士，不過卻腰間唧肉，相片標記在半島酒店。 — 阿Gao貼出兩張床照，擺出S甫士，不過卻腰間唧肉，相片標記在半島酒店。（圖片來源：IG＠gagarieo）

Gao 阿Gao甚少女性化打扮，更忽然貼床照，即引起熱討。 — 阿Gao甚少女性化打扮，更忽然貼床照，即引起熱討。（圖片來源：IG＠gagarieo）

Gao 隊友Candy、芯駖、Ivy、Strayz的Nat、《造星》Alice等都留言。不過Ivy So似乎嚇親要遮臉大叫：喂呀！ — 隊友Candy、芯駖、Ivy、Strayz的Nat、《造星》Alice等都留言。不過Ivy So似乎嚇親要遮臉大叫：喂呀！（圖片來源：IG＠gagarieo）

Gao Ivy So表示嚇到遮眼，唔敢睇！ — Ivy So表示嚇到遮眼，唔敢睇！（圖片來源：IG＠ivyysooo）

Gao腰間唧肉休團日久失修

Gao晒床照同時引起網上熱議，有網民在討論區開帖「阿餃喺床上，大家係咪嗒得杯落？」，隨即引起大家瘋狂留言，「咪餃啦」、「我專心唔到對眼只能望住個靚景」、「手臂好壯，好有安全感」、「條腰啲肥肉唧晒出嚟」、「佢竟然素顏咁有自信？」、「唔好侮辱賓妹」、「餃唔掂喎」、「係咪做M巾代言人？無整烏糟張床？」等等。

Gao 女團Collar八女自Mirror演唱會發生大型意外後，一直未有合體﹗八女都甚少玩社交網，鮮有分享近況，據知So Ching以外七位成員將出席代言活動﹗ — 女團Collar八女自Mirror演唱會發生大型意外後，一直未有合體﹗八女都甚少玩社交網，鮮有分享近況，據知So Ching以外七位成員將出席代言活動﹗（圖片來源： IG＠gagarieo）

Gao 休團期間，成員們曾到離島散心！ — 休團期間，成員們曾到離島散心！（圖片來源：IG＠gagarieo）

網民：呃我唔到！林子善嚟嘅！

有更多網民留言指驚見林子善扮女人，「林子善喺床上擺出誘人姿勢」、「嘩，林子善嚟嘅﹗」、「唔好扮啦，林子善，一眼認出係你！」、「林子善過咗檔咩？」、「林子善留長頭髮」。其實阿Gao已不是第一次被人話撞樣林子善，之前Collar新歌《OFF/ON》MV中的阿Gao把頭髮染紅，被指激似林子善在電影《喜劇之王》個樣，當時「我懷疑阿Gao係林子善扮嘅」成為熱討。網民更摷出林子善同阿Gao亦曾經有過銀髮造型，連童年照拎來對照，的確十分似樣！