G1格鬥會挑戰賽

ViuTV《G1格鬥會挑戰賽》再開戰Hidy挑機洪拳Charlene

流行娛樂

廣告

ViuTV真人騷格鬥節目《G1格鬥會》,自出街後坊間反應熱烈,而第二季的《G1格鬥會挑戰賽》亦將於今晚開播放,頭場賽事由運動型女藝人余曉彤(Hidy)大戰擁有12年洪拳根底的何慈茵(Charlene),唔知今集又會引來一場甚麼樣的腥風血雨呢?

text-aMan(IG:amanachiu)

Hidy練大隻上陣

首次參加拳擊比賽的Hidy,雖然平時有玩開運動,但對賽事一樣唔敢怠慢,說:「大概用了四個月時間準備,自己好鐘意運動,覺得運動學到好多嘢。」

「至於比賽前完全唔知對手係邊個,比賽日子係幾時,所以一有時間就去traning,包括巴西柔術、拳同重力訓練,拳本身有學過。另外重力訓練又發現自己肌肉唔夠,用了好多時間舉重,呢段時期嘅自己無論係生活規律同身型都有好大變化,完全化身另一個自己,大隻咗好多,生活好有規律,十足運動員咁訓練!」

比賽前一個月先得知對手係擁有12年洪拳根底的Charlene,令到原本一直叫自己保持放鬆的Hidy,緊張指數直線上升,「比賽前半粒鐘,個人開始「騰」,上台那刻望住對手,個腦完全空白,直到中了一拳,記得係中右眼,所有野光白,聽覺開始有回音,好暈連副con都甩埋,一路保持呢個狀態到尾,感覺好恐怖!」

打到手指骨移位

參加是次《G1格鬥會挑戰賽》有血有汗,不過Hidy仍物超所值,「傷勢好得七七八八,不過有時都係會隱約作痛,因為之前練到手指骨個骹位鬆咗同移位,睇了一排鐵打『啪』番正手指骨,而膊頭同腰就因為舉重同練kick down練習時整傷了,雖然都多傷患,不過呢段時間的經歷一世都唔會忘記!」


YOU MAY ALSO LIKE ...