First Love初戀Netflix|林日曦怒插4宗罪、但自己都睇到流下男兒淚

流行娛樂

廣告

Netflix日劇《First Love 初戀》,單係預告已經引起唔少轟動,全因該劇用咗宇多田光經典歌曲《First Love》,簡直係80、90後的回憶殺,淨係聽首歌都要起雞皮。而《First Love 初戀》喺Netflix一上架無耐,已經上榜香港頭3位,掀返起久違的日劇潮,仲唔少男士都表示睇到要流下男兒淚,不過前100毛腦細林日曦就怒插《First Love 初戀》4宗罪!

First Love 初戀 《First Love 初戀》喺Netflix一上架無耐,已經上榜香港頭3位
《First Love 初戀》喺Netflix一上架無耐,已經上榜香港頭3位(圖片來源:《first love》)

個個係度大讚Netflix日劇《First Love 初戀》時,前100毛腦細林日曦就寫千字文怒插,雖然林日曦都表示自己都忍唔住睇到流下男兒淚,套劇亦有佢好睇之處,但都要鬧一鬧套劇。

First Love 初戀 前100毛腦細林日曦
前100毛腦細林日曦(圖片來源:ig@lam1hey)

迴旋處成出戲位

首先迴旋處問題,林日曦指佢一口氣睇晒九集,主要原因都因為佢係取景北海道札幌,林日曦強調札幌就好似佢第2個屋企咁,近7、8年都斷斷續續喺札幌居住,所以佢特別留意劇中每個場景。但故事開始時女主角揸住架的士入迴旋處的時候,就被林日曦發現札幌係無迴旋處,仲上網搵到嗰個迴旋處係距離札幌兩個鐘車程嘅另一個城市旭川。林日曦就表示「咁你話人哋接到幾個order由札幌揸去旭川唔得呀?得……但女主角入職訓練又係揸去旭川?都得嘅……但男主角搭的士去中島公園都會經過旭川?」似乎呢個位令林日曦有所出戲?

First Love 初戀
(圖片來源:《first love》)
First Love 初戀
(圖片來源:《first love》)

女主角30歲就縮水

其次,林日曦指出劇中年輕女主角生得好高,但大個咗之後就變到唔係好高。雖然佢都明人類係會隨住年齡而縮水,不過30幾歲就開始縮會唔會太早?

First Love 初戀
(圖片來源:《first love》)

又係「日劇跑」

第3,「日劇跑」。少女、戀愛日劇中,一定唔少得「日劇跑」呢啲劇情,林日曦就認為「冰天雪地唔驚跣親㗎咩?」不過佢都話呢個純粹循例講吓。

First Love 初戀
(圖片來源:《first love》)

老土日劇《First Love》首歌都救唔返

最後,林日曦指套劇真係好老土吓,而好彩佢個人又好鍾意老土日劇,自己寫啲劇都好老土,所以都睇到「含蓄喊」,仲表示套劇如果放喺佢十幾歲嗰時直頭可以上埋神檯,封埋做神劇,特別係仲要用埋《First Love》呢首經典歌, 不過最尾一集真係老土到連佢都喊唔出,出埋《First Love》首歌都救唔返了。

First Love 初戀 原文
原文(圖片來源:ig@lam1hey)
First Love 初戀 原文
原文(圖片來源:ig@lam1hey)
First Love 初戀 網民留言表示認同,但都係想睇
網民留言表示認同,但都係想睇(圖片來源:ig@lam1hey)

林日曦怒插《First Love 初戀》4宗罪?

個個係度大讚Netflix日劇《First Love 初戀》時,前100毛腦細林日曦就寫千字文怒插,雖然林日曦都表示自己…詳情請看

為何《First Love》會引起轟動?

《First Love》單係預告已經引起唔少轟動,全因該劇用咗宇多田光經典歌曲…詳情請看

圖片來源:ig@lam1hey、《first love》