First Love初戀｜大陸網民成地玻璃碎怒轟3大點 網民：事實嚟
廣告
Netflix日劇《First Love 初戀》，單係預告已經引起唔少轟動，全因該劇用咗宇多田光經典歌曲《First Love》，簡直係80、90後的回憶殺，淨係聽首歌都要起雞皮。而《First Love 初戀》喺Netflix一上架無耐，已經上榜香港頭3位，掀返起久違的日劇潮，仲唔少男士都表示睇到要流下男兒淚！不過有大陸網民最近翻牆睇完之後就嬲嬲，怒轟劇集3大點涉辱華成份！
小粉紅怒插《First Love 》無腦製造偏見
小粉紅睇完怒轟3大點涉辱華成份，認為《First Love 》好似搞到中國人的形象好差，大大聲講嘢、無禮貌俾人感覺反感，仲大插劇情無腦，只係演員做得好加上配樂同拍攝手法令人感動。並強調自己唔係敏感，只係被人公然指責時，應該要自知，認為一部好的作品係唔應該對其他國家製造偏見，同埋抹黑。
《First Love》辱華3大點
1. 女主角大學時期係同一位中國女仔合租，跟住有一幕係講個中國女子喺上格床勁大聲講電話，令到喺下格床的女主角都非常困擾，同埋中國女子煮飯時，煮到成間屋都係煙霧瀰漫。
2. 最後一集，女主角個仔鍾意的女仔喺機場排隊時遇到有幾個大媽塞住條隊，因為佢哋行李箱搞到同機場的工作人員爭執。
3. 最後2集，講到 疫症爆發，劇中一句提到「中國以外的國家受到影響」，網民認為呢句說話暗示中國好似係起源者，搞到其他國家都受影響。
中國人都唔撐中國人：老實說我覺得很真實
小粉紅言論一出，引起唔少熱議，不過今次就唔係個個出聲要罷睇，反而認為評論者真係太敏感，而且錯重點叫小粉紅唔好再翻牆「老實說我覺得很真實，惡意倒是沒看出來」「是不友好，但是很真實，我學習工作生活在日本10年了，我們國人的印象真的是這樣」「到底是有多玻璃心才會這麼敏感」「別翻牆，以後就看到不惡意了」
近日Netflix實行了什麼新政策？
首先，Netflix推出了新月費計劃，但卻引起了大眾網民的謾罵。之後，Netflix 再推出一項新的「個人帳户轉移」（Profile Transfer）功能，相信是為了打擊家庭共享帳號而舖路。
圖片來源：《first love》、小紅書＠隱身小紅薯
