ERROR自爆96小時|193爆喊重提「153事件」最想見到曾志偉

流行娛樂

廣告

《ERROR自爆96小時》播出兩集,193郭嘉駿就喊足兩集,先為鍾意佢嘅粉絲受屈辱而喊,盡訴心中情希望喜歡自己的人不會被取笑。去到第2集,193竟然為咗153曾志偉而喊!原來講返之後「153事件」,呢一年經過唔小事的193成熟不少,經過一番沉澱後一直為此事耿耿於懷!

193去年反擊曾志偉一句而紅

193郭家駿@ERROR在去年無綫和ViuTV兩台電視大戰勢成水火時,因為反擊曾志偉評ViuTV收視只能媲美 J2,193不甘示弱反擊說「J2係做咩?冇記錯係咪40幾歲仲話後生仔傾偈嗰個?」仲稱呼無綫的觀眾為「老嘢」,結果引來兩極的批評,不過193人氣亦因此而急升。

193 193在ERROR中最敢言,人氣也升得最快。
193在ERROR中最敢言,人氣也升得最快。(圖片來源:IG@deniskwok193)
193 193在這集除了喊,仲表演騎厘舞姿。
193在這集除了喊,仲表演騎呢舞姿。(圖片來源:ViuTV影片截圖)

曾公開堅持率直個性

理直氣壯的193事後曾接受傳媒訪問,表示不怕見到無綫人會尷尬,甚至最想見到的無綫人是曾志偉,想親口對他說絕對唔係鬧任何人。當時亦有不少長輩批評193為人太囂張、對人沒禮貌、193回應時否認自己是寸嘴,只是性格直率。

193 導演問193是否自從「153事件」後人生有了突變?
導演問193是否自從「153事件」後人生有了突變?(圖片來源:ViuTV影片截圖)
193 193說:「係呀!好大轉變,我嘅人生同事業都唔同晒,其實我想講番點解會有153事件,我係輕挑」
193說:「係呀!好大轉變,我嘅人生同事業都唔同晒,其實我想講番點解會有153事件,我係輕挑」(圖片來源:ViuTV影片截圖)

節目中重提「153事件」

經過一年的沉殿,193其實成熟了不少,昨晚播出的《ERROR自爆96小時》第2集,導演問193是否自從「153事件」後人生有了突變?193說:「係呀!好大轉變,我嘅人生同事業都唔同晒,其實我想講番點解會有153事件,我係輕挑,係好無禮咁講嗰兩句說話出嚟,因為嗰日睇完口罩小姐綵排,佢哋表演得好差…我好嬲,我唔係針對住曾生講,我只不過針對住…我係我個台嘅藝人,我覺得我台拍嘅節目好好睇,我想維護我個台……你唔可以話我哋係小眾囉!你唔可以用你嘅觀點去話我個台唔好囉!」

193
(圖片來源:ViuTV影片截圖)
193
(圖片來源:ViuTV影片截圖)

193心痛同事為工作不眠不休

193愈講愈激動,仲崩潰爆喊續說:「我唔係針對一個人,我係針對緊嗰一句說話批評我哋個台…我入咗嚟幾年,好多人好努力做嘢…一日返廿幾個鐘工,喺公司瞓,所以嗰刻我聽到佢話冇人睇我哋,我好嬲,想維護我台先衝口而出,我都知我講錯咗…我真係唔係針對,佢係長輩,因為傳媒炒作,覺得我矛頭指向某一個人,我知澄清冇用…」

193
(圖片來源:ViuTV影片截圖)
193
(圖片來源:ViuTV影片截圖)

ERROR兄弟撐到底

193喊住解釋全因想維護自己公司,唔單止感動網民表示更加支持193,ERROR其餘三子亦向193表明心跡,就算他繼續衝動出事都會繼續撐兄弟,保錡仲話冇晒廣告都唔緊要,真係四兄弟一條心。

193
(圖片來源:ViuTV影片截圖)
193
(圖片來源:ViuTV影片截圖)
193
(圖片來源:ViuTV影片截圖)
193
(圖片來源:ViuTV影片截圖)

撰文:東方新地圖片來源:ViuTV影片截圖、IG@deniskwok193資料或影片來源:原文刊於東方新地