網民力推ERROR真人版《老夫子》、同TVB《愛回家》對撼！阿Dee回應：希望有呢個榮幸

撰文：Andy｜圖片：老夫子、Error weave IG、保錡 IG、TVB YouTube 截圖｜編輯：海月

網民提議Error拍攝老夫子 同TVB《愛回家開心速遞》對撼

自從193@ERROR寸曾志偉之後，除咗193人氣大熱之外，ERROR主持嘅綜藝節目都順路大熱。Viu TV推出嘅新節目《ERROR自肥企画》亦都大受關注。網民仲提議Error拍攝《老夫子》真人，將漫畫拍成30分鐘處境劇，同無綫處境劇《愛．回家之開心速遞》打對台。

網民仲分配曬角色和P曬圖，網民提議由阿DEE@ERROR擔正做主角老夫子、肥仔飾演大番薯、而身高最高嘅193就飾演秦先生。而暫被雪藏的保錡能否演出則視乎其表現。

阿Dee接受訪問就話看到角色分配時十分驚喜，估唔到ERROR咁適合拍《老夫子》真人版。佢話可以想像到真系拍的成會好搞笑，亦相信ERROR成員都非常樂意去拍。

佢仲自嘲話：「我啲隊友成日都笑我冇乜頭髮，老夫子呢個角色本身又冇乜頭髮，我諗自己喺呢方面都有啲天份。」

佢仲話：「《老夫子》嘅背景可以帶到好多訊息畀香港人，而最緊要就係提供到歡樂，就咁望外形已經笑，我自己都笑，如果我真係有機會演《老夫子》，我諗現場拍都會不停NG笑，我覺得呢個係向本土娛樂致敬嘅作品，希望有呢個榮幸。」

阿Dee續指會主動向公司提議：「不過都好睇原作者（王澤）嘅睇法，佢願唔願意畀版權ERROR自由發揮。」

不忙幫保錡搵角色做 望花姐俾保錡機會做下奸角

阿Dee仲提起被雪藏緊嘅保錡，佢希望保錡能喺劇中飾演所有奸角，因為《老夫子》裡面嘅奸角通常都瀨嘢，呢啲劫難能令佢成長得更好，終會成為孫悟空。（保錡曾經講過：「經過七七四十九難就可以成為悟空」）

阿DEE力推沈殷怡做女主角 稱劇集需要靚女

《老夫子》中嘅女主角陳小姐阿DEE就力推沈殷怡（Shirley）飾演。畢竟如果真係成事會同自己有對手戲。選擇個靚女都無可厚非。不過，網民紛紛推舉花姐做陳小姐一角色，阿Dee即可推搪：花姐就唔好搞，佢老人家都攰喇，叫佢拍劇最後受難嘅都係我哋四個，佢專心做經理人同籌備節目啦。