ERROR三缺一繼續工作：唔好以為係ERROR，就乜嘢錯事都做得出　網友：唔提保錡係保護佢最好既方法！

阿Dee：我哋心靈上好支持保錡企返起身

ERROR成員梁業（肥仔）、郭嘉駿（193）和何啟華（阿Dee）近日接受訪問，雖然保錡已公開道歉又暫別，但網友仍然未收貨，更在網上大爆保錡其他惡行，包括賣淘寶貨、做生意唔老實以及恥笑七仙羽和其他成員。成員之一的阿Dee就力撐保錡，他提到：「保錡擔心拖累我哋，所以自發性離開，我哋心靈上好支持佢企返起身。」

193：希望觀眾可以畀時間同原諒佢

193與保錡經常互寸，保錡又曾表示已Unfollow 193，但193也一樣支持保錡：「個個人都有錯，希望觀眾可以畀時間同原諒佢。」他又希望大家不要再鬧保錡，給他一個機會。193又大爆保錡在旺角鬧巿開工精神失常，保錡覺得所有人都憎佢攻擊佢，非常嚴重，要經理人拉埋佢一邊。

肥仔：保錡事件是三人的借鏡

肥仔就覺得經過今次事件，也提醒他們不要以為自己是搞笑組合ERROR就可以乜嘢錯事都做得出，又指：「以前以為ERROR冇形象又冇人識，點知咁多聲音。」

ERROR三子受訪合照時仍留下一個空位給保錡

錡完成手頭上《ERROR自肥企劃》和《口罩小姐選舉》後正式暫別，而193和肥仔有份拍攝的《是滴是友》也現正播出，阿Dee又有份角逐《CHILL CLUB推介榜年度推介》中的唱作人獎項，而保錡宣布暫別後，對ERROR影響的確少了，成員也有工作進展，看來保錡宣布暫別也非壞事情。

不過，ERROR三子也相當有心，受訪時合照時仍留下一個空位給保錡，希望他快點歸隊。而有網友就覺得ERROR「唔提保錡係最好保護佢既方法」。