ERROR｜《爆谷一周》大講日本女優 入圍「全球百大俊男美女」心路歷程 肥仔：唔好俾我入圍啦！

Error入圍「全球百大俊男美女」：「實至名歸！」

ViuTV男團Error上星期上咗谷德昭主持節目《爆谷一周》，節目一開始已經成為焦點，大講入圍「全球百大俊男美女」心路歷程！一向唔係行偶像派的Error成員陸續入圍「全球百大俊男美女」真係轟動一時，谷德昭仲指4位成員真人靚過上鏡。最後入圍的肥仔仲被193笑指與奇洛李維斯同時入圍，佢表示當時真係相當緊張，仲諗不如唔好俾自己入圍，「唔好搞呢啲啦！」谷德昭與其他成員反指肥仔係「實至名歸！」，話肥仔係肥仔界的吳彥祖，係唔同種類。保錡仲話如果肥仔同奇洛李維斯一齊拍戲，佢紅的機會一定好大，其他人即笑指係「fat john wick 」，埸面非常有趣！

Error要拍BL劇集

谷德昭仲大讚Error非常有喜感，觀眾會想睇佢哋拍喜劇，亦指佢非常推薦佢哋4人拍BL劇集，認為要拍一套《流星花園》般的愛情劇，但無女主角，仲要佢哋互相擦背！Error表示佢哋好難接受，始終太熟悉對方，幻想唔到畫面，而且見到對方已經笑唔停。不過相信如果佢哋真係拍BL劇集應該真係大把fans搶住睇！

大講最喜愛AV女優 DEE爆大獲！

節目其中一條問題係問Error成員各自最喜歡的av女優，埸面一度尷尬。保錡大方率先講自己最喜歡松島楓，仲大講因為自己好鍾意腳幼想埋瘦的女性，沙律張沛樂（Charlotte）相信都真係幾符合保錡的擇偶條件！其後肥仔表示自己鍾意好多，最鍾意係桃乃木，而193就鍾意波多野結衣同三上悠亞，不過自己最鍾意都係睇素人系列，鍾意每次都唔同，有新鮮感，睇嚟新鮮感對193嚟講都非常重要！最後dee哥就話自己小時候鍾意蒼井空，大爆自己睇開歐美，日本其實唔係好識，其他人仲話dee原來鍾意皮膚較黑的女性！

節目精華：