E-kids送粉絲濕吻 新歌『法式旋轉』MV 睇到頭暈

流行娛樂

廣告

E-kids回歸了!坦白說,講起E-kids,都會想起他們的會考分數、樂壇小強,MK POP始祖,不過即管笑吧,企到最後的才是贏家!近日E-kids終於有新歌,出道14年,齊人回歸絕對不容易,但是新歌《一二三四》他們再一次米奇老鼠上身,不是freestyle的Rap,卻令人聽得耐人尋味,網民又有咩反應呢?

text-Cherie Edit-Cherie photo -Ekids facebook

『MK Pop』始祖 E-Kids 回歸 旺角取景拍MV更有親切感

E-kids 2002年出道的,由樂壇小強阮民安、林詠倫,郁禮賢組成,06年正式解散,2016年三子再合體開演唱會,喚醒不少80、90後當年的回憶,今年三子再強勢回歸,推出新歌《一二三四》更豪用六位數字申請咗幾個月封街拍攝,搶翻被一班大媽佔領的地盤來拍攝,仲話想同一班大媽死過,「叫佢哋返去瞓啦!畀幾個鐘頭我哋呢啲後生仔出嚟跳吓得唔得呀?」聽落其實是幾型的。

 

米奇老鼠上身 冇人聽得明唱乜

當年Tommy用5000拍了《踩唔死我》的MV,成功引起大家的注意,但全部都是負評,今次E-kids用大手筆拍出來的MV,反應又是如何呢?歌喉小編就不便評論了,網民反應睇評語就知,一目了然!

『法式旋轉』MV睇到頭暈

雖然網民都好似不太喜歡,更有人説是考驗觀衆忍耐能力,雖然構思也算是新穎,但鏡頭一直在旋轉,確實令人頭暈!

MV一開始鏡頭就已經不斷旋轉,大家連E-kids三子個樣都未必能看清。

好難得有幾個shot可以看清他們的樣子。

講多無謂,睇片最實際,大家有耐力把它看完嗎?馬上測試一下!

&feature=youtu.be

送Iphone7 濕吻 谷MV

爲谷新歌人氣,E-Kids三子更加是落重本,叫網民幫手Share 新歌,禮物有iphone7 (一獎同二獎冇分別),更加有四獎由成員Tim送出30秒濕吻(似乎三子都覺得呢個濕吻連3獎的500超市禮券都不如),做得到先講得出圖已Cap,記得找數啊。

飛日本拍新歌MV 『驚』喜陸續有嚟

三子現颱風前夕又飛咗過日本拍攝新歌MV,唔知第二首派台歌,又會帶咩驚喜畀大家呢?

仲拍live同網民分享,有不少粉絲留言讚好㗎!

E-Kids介意努力沒人認同

其實E-Kids一直最介意的是在音樂上的努力不受認同,觀眾不喜歡不要緊,但絕不能說他們沒有用心,每首歌都有份參與創作,舞蹈自己排,由出道到現在都努力做他們自己的音樂。當年受電台打壓,公司又突然倒閉,星途盡毀, E-Kids上年終於宣布重組,開騷爆滿後,今年決定再出新作在樂壇上重新出發。

 

關鍵詞
E-kids