阿Day大爆擇偶條件 自揭情史：我鍾意做主動！
阿Day大爆擇偶條件 自揭情史：我鍾意做主動！
現年20歲的Day在電台節目中透露自己其實喜歡怪人，因為她不喜歡對很多人表現主動的男仔，反而會特別留意對她沒興趣坐埋一邊的男仔，經過一輪觀察若發現對方不錯，甚至會做主動撩對方傾偈，她更透露原來第二任男友，正是類似這個情況下相識。
追男仔前先查底細 問密友：佢係咩料呀？
Day指這個男仔是共同朋友活動中認識，雖然他也有跟其他人傾談，但為人偏靜，因此一直與阿Day不太熟，反而因此令阿Day更留意到他，於是借意坐在男方身邊，又或走在他的身旁借故傾談，劉翁聞言即說：「咁快？心急咗啲喎！」阿Day又說：「我記得嗰陣時，有其他好親密的朋友在附近，我就問『嗰個人你哋熟㗎？佢係咩料呀？』問下對方底細。」眾主持聞言即大笑，火火更說：「點解依家啲人講愛情嘅氣氛咁唔愛情嘅？好似盤人咁樣！」
叫朋友撮合 率先表白迫供
為了多認識這個文靜男仔，Day竟主動叫朋友幫手撮合他們傾偈，她說：「因為我哋唔係咁熟，要靠互相的朋友拉埋一起。」不過她就強調不是首次見面即叫人撮合，而是見過幾次後才提出。Day直言因自己喜歡特別的男仔，所以很多時會自己做主動。
火火追問阿Day與這個男仔一起，是否她率先表白，阿Day說：「係，其實係我威迫嘅！」阿Day透露當二人成為朋友一段日子後，有大班朋友一齊玩，亦有單獨約會，雖然都感覺到互相都有點鍾意對方，但是一路都沒有進展，這時阿Day就等不及，阿Day憶述：「終於一日去完街之後，兩人單獨一齊送梗我搭地鐵，跟住我同佢講『你覺得我哋依家係朋友定係乜嘢關係？』跟住佢話『我都唔知呀』！」森美聞言即說：「所以你搵個怪嘅人，就得到啲咁嘅嘢，正常嘅男仔追咗你啦！」
讚前男友把聲好聽 被指外型似林家謙
一眾主持又迫供問阿Day男方優點，阿Day即指對方把聲好聽，也算靚仔，有點日系可愛感覺，森美問是否像Jeremy或Alton，阿Day即說兩個也不像，更強調對方不是很靚仔類型，自己不是睇靚仔的，又指前男友戴眼鏡宅宅很可愛，眾主持即指林家謙是該類型，阿Day只笑而不語。
阿Day續指自己有跟對方講：「我覺得我都有啲鍾意你，跟住佢話『我都係』」但二人並未有即時一起拖手確認大家關係，反而很尷尬地各自回家。但阿Day回到家並未有等太久，就鼓起勇氣傳短訊問男方：「我哋一齊好唔好呀？」雖然已不記得對方如何回覆，但最終二人真的一起了。
阿Day上公子會爆情史
16歲初戀分手最痛
節目中，阿Day又透露自己最傷痛是16歲初戀時分手，這個初戀男友也是她主動追求回來。因為當時阿Day有機會到韓國做練習生，於是跟男友表示暑假要去韓國習訓，但男友就不想她去，更擔心她會放棄學業，要脅她如去韓國就分手，結果阿Day堅持決定，二人最終真的分開。雖然到了韓國，阿Day都有打電話給男友挽留，但對方心意已決，因此這次分手令她十分傷心。主持都認為，因為阿Day鍾情的男子都是宅男，大都缺乏自信，所以才會怕女友去韓國後自己會失去女朋友，因此用了一些很激的方法。
Marf曾爆初吻細節
COLLAR成員上《公子會》都很大方分享自己的愛情故事，之前Marf（邱彥筒）就在節目中大談初戀男友在公園奪走她初吻的細節，二人在公園過夜後，第二天直接返學，但男方在奪得初吻後三、四日後，意因為難忘前度而提出分手！
Candy自稱「A0」但有契哥相伴
王家晴（Candy）則透露自己從未拍拖，更沒有暗戀過異性，只是有過兩次Puppy Love，連拖手仔也沒有試過，現時雖然有一位契哥十分關心照顧她，甚至旁人都覺得男方有愛意，但Candy則認為對方從沒表白，自己也覺得二人不可能成為情侶。
芯駖遇初戀疑偷食
李芯駖上節目時就大爆自己初戀男友高大靚仔，但竟在網上追其他女仔疑似偷食，結果被芯鈴發現提出分手，男方卻用了一年時間希望挽回，最終二人也不能重拾舊情。
