COLLAR︳Marf初戀男友被指係高級賤男「過夜」被奪第一次！
廣告
人氣女團COLLAR成員Marf近日上電台節目《公子會》做嘉賓，大談初戀話題，原來初戀男友同成員李芯駖（Sum Ling）差不多都係啲唔好的男仔，Marf原來初戀係中四，仲要同人喺公園「過夜」？！
初戀男友Chur Marf「你真係唔試吓？」
20歲collar成員Marf日前上咗《公子會》大講初戀，指自己當時係中四，於學校的音樂室見到一個充滿神秘感的男生，唔知佢諗咩，就被佢吸引住。2人相識無耐就一齊咗，其原因仲要係因為對方太心急，本來Marf係想識耐啲先有進一步發展，但男生竟然提出「你真係唔試吓？不如真係試吓啦我哋」主持人都忍唔住驚呼Marf原來係「有得傾的人」。
Marf美孚公園「過夜」被奪去初吻
Marf大讚初戀男友認識咗之後雖然對方係一個比較悲觀的人，但係思想成熟，而且又好健談，認為大家相當投契。Marf仲憶述初吻的回憶，當時男友深夜突然收到前度女友的電話後，就搵Marf老實匯報，仲想立即見Marf，Marf就由荃灣一路行去美孚搵男友，相約美孚新邨旁邊的荔枝角公園「嶺南之風」見面。Marf表示傾住電話行到去當時已經係天光，然後就氣氛剛好「夜晚暗暗地， 對鍾意的人特別有feel，傾傾吓計突然靜咗，自己望住地下，佢就望住我，突然捉住我下巴錫咗我一吓。」
初戀一個星期告吹森美形容此男「高級賤男」
原來Marf的初戀只維持咗短短一個星期，但已經令佢非常深刻，主持人形容喺犯罪學嚟講，Marf呢個初戀等同「俾人打咗「荷包」。Marf形容分手時，因對方未放低前女友，未準備好迎接新的戀情。森美聽到後即大鬧：「死啦你，又叫我試下！」主持人即分析呢位初戀男應該想搵Marf做「水泡」，唔係咩好仔，森美形容此男為「高級賤男」係高手，但Marf都仍然為初戀男辦護，分手後初戀男有不斷同Marf道歉，而且直到2人仍有不時聯絡。
一齊睇返完整片段：
圖片來源：IG@_marifemarife_, Facebook@公子會, Youtube@商業電台 Hong Kong Toolbar,
