Marf

COLLAR︳Marf初戀男友被指係高級賤男「過夜」被奪第一次!

流行娛樂

廣告

人氣女團COLLAR成員Marf近日上電台節目《公子會》做嘉賓,大談初戀話題,原來初戀男友同成員李芯駖(Sum Ling)差不多都係啲唔好的男仔,Marf原來初戀係中四,仲要同人喺公園「過夜」?!

Marf Marf日前上《公子會》
Marf日前上《公子會》(圖片來源:[email protected]商業電台 Hong Kong Toolbar)

初戀男友Chur Marf「你真係唔試吓?」

20歲collar成員Marf日前上咗《公子會》大講初戀,指自己當時係中四,於學校的音樂室見到一個充滿神秘感的男生,唔知佢諗咩,就被佢吸引住。2人相識無耐就一齊咗,其原因仲要係因為對方太心急,本來Marf係想識耐啲先有進一步發展,但男生竟然提出「你真係唔試吓?不如真係試吓啦我哋」主持人都忍唔住驚呼Marf原來係「有得傾的人」。

Marf
(圖片來源:[email protected]_marifemarife_)

Marf美孚公園「過夜」被奪去初吻

Marf大讚初戀男友認識咗之後雖然對方係一個比較悲觀的人,但係思想成熟,而且又好健談,認為大家相當投契。Marf仲憶述初吻的回憶,當時男友深夜突然收到前度女友的電話後,就搵Marf老實匯報,仲想立即見Marf,Marf就由荃灣一路行去美孚搵男友,相約美孚新邨旁邊的荔枝角公園「嶺南之風」見面。Marf表示傾住電話行到去當時已經係天光,然後就氣氛剛好「夜晚暗暗地, 對鍾意的人特別有feel,傾傾吓計突然靜咗,自己望住地下,佢就望住我,突然捉住我下巴錫咗我一吓。」

Marf
(圖片來源:[email protected]_marifemarife_)

初戀一個星期告吹森美形容此男「高級賤男」

原來Marf的初戀只維持咗短短一個星期,但已經令佢非常深刻,主持人形容喺犯罪學嚟講,Marf呢個初戀等同「俾人打咗「荷包」。Marf形容分手時,因對方未放低前女友,未準備好迎接新的戀情。森美聽到後即大鬧:「死啦你,又叫我試下!」主持人即分析呢位初戀男應該想搵Marf做「水泡」,唔係咩好仔,森美形容此男為「高級賤男」係高手,但Marf都仍然為初戀男辦護,分手後初戀男有不斷同Marf道歉,而且直到2人仍有不時聯絡。

Marf
(圖片來源:[email protected]公子會)

一齊睇返完整片段:

圖片來源:[email protected]_marifemarife_, [email protected]公子會, [email protected]商業電台 Hong Kong Toolbar,

YOU MAY ALSO LIKE ...