COLLAR x KFC 閃卡 似亞視多過女團 前夫：P圖P到認唔出 Poster衰過自己印

前夫：「濃厚亞視味」、「P圖P到，呢個邊個嚟？」

ViuTv女團COLLAR出道以嚟一直被受關注，迅速代言各大品牌，Facebook都即刻開咗一個「前夫反擊關注組」，有成6.6萬會員，啱啱出道嚟講算成績唔錯！好多前夫都相當支持，借以還擊前妻！KFC就即刻同COLLAR合作，似足之前麥當勞 x Mirror咁出吓閃卡咁。本來KFC推出炸雞舞廣告影片時都獲得唔少好評，網民都好期待，話要「day day食！」不過到打卡限定店、限定精品嘅時候就錯晒，睇圖都知劣質，前夫都撐唔落啦！

限定店紙牌災難級P圖，P到女團Candy個走晒樣。網民表示：「同Ivy So合咗體？」

女團Day就p到無埋特色包包面

網民幫Candy改咗新名變「Canvy」，揶揄Candy樣P到好似同Ivy So合咗體咁

人哋整1：1紙牌，KFC就整150紙牌…搞到啲身型比例錯晒，前夫幻想破滅，仲影唔影相好呀？

除咗限定店紙牌出事，套餐同禮品都出晒事，買大送細、買細送大、啲紙仲要唔係硬身，相當慳水、貼張紙都貼唔好起曬泡，前夫表示「明明之前麥當勞咪搞過囉，抄都唔識抄」，前妻就表示高興前夫要食16次，而家食一次就搞掂。

KFC嘅Marketing睇嚟下次要準備多啲，唔係又搞到啲前夫無晒面又嘈架啦！