COLLAR參戰Clockenflap音樂節 Ivy So搶鏡成全場焦點！

Ivy So 露腰曬腹肌 網民：蘇雅琳世一！

Collar獲邀參與Clockenflap音樂節，唱出出道第一首作品《Call My Name》以及《OFF/ON》炒熱現場氣氛。Collar成員Ivy So po出表演當日打扮的造型照，以一身「女子軍隊隊員look」上台表演，戴上黑色長皮手套，再加上半身迷彩上衣和小短裙，露出明顯嘅腹肌，大曬fit到漏嘅身材！相片Po出不夠1小時，已獲過萬like，粉絲紛紛大讚「蘇媽好叻叻，見到你嘅努力 firm爆 仲有腹肌真係索到sir」「Fit咗好多 ，有馬甲線，好勁呀！」「牙琳巧型」「條馬甲好搶」「Fit到爆呀雅琳」

對比以前的腹肌

Ivy So時不時都會穿上露腰嘅衣着，騷出小蠻腰。但喺今次表演上，腹肌更為明顯，相信為操fit自己落咗唔少苦功，難怪被網民大讚！

表演做足準備 跳舞大有進步

Ivy So由出道以來，一直被網友批評跳舞同唱歌不足，未見進步。不過今次首次喺大型表演上有亮眼的表演，令一班觀眾刮目相看。網友表示「今次動作大好多」「開始有信心」「Ivy So跳唱依家其實好咗唔少（collar整體都係）跳成隊都好齊，有團魂，唱聽得出把聲係唔錯，Ivy 再俾多啲信心自己」Ivy So曾經喺節目上提到睇到網民嘅負評，都會感到好受傷！今次得到唔少嘅好評，相信會成為Ivy So 繼續進步嘅動力！