COLLAR粉絲見面會 迫粉絲排通宵 鬧爆安排不當惹罵戰！

COLLAR 2周年活動 2日前先公布詳情粉絲鬧爆！

COLLAR即將迎來出道2周年，不過COLLAR官方IG 2日前先公布2周年活動詳情，宣布於1月12日在尖沙咀舉行生日會，並表示當日首400名粉絲可以獲得親筆簽名，不過得獎名額並非抽籤，而是以先到先得的方式分配，結果引起粉絲不滿，紛紛在網上留言鬧爆，質疑公司的安排「臨急抱佛腳」欠詳細安排，更加把粉絲動作隨傳隨到的佈景板：「當啲fans係咩？」、「搞抽籤分時段好難咩？」、「4日前先公佈有活動，但活動詳情2日前先講」、「如果佢哋控唔控制到個場面，到時真係401同400隻揪就笑死人」、「有啲心灰意冷」、「吹到咁大嘅fans見面會，原來得頭400個fans通宵排隊先有簽名」、「之前fans meeting明明都仲有google form」。

粉絲呻：本身唔諗住排通宵而家焗住要排

有網民分享TG群組最新消息表示大會會早上7時半天星碼頭附近派籌俾頭200名粉絲，領籌過後可以休息，中午2點見COLLAR，同大會IG公布嘅400個名額唔同，搞到網民個個大鬧即係焗住要佢哋通宵去排隊。後來又有網民更新消息指籌號增至250個，但早上7時排隊人士已過200人，表示去緊嗰啲可以返屋企。

粉絲真係嬲爆呻今次真係想脫粉「本身唔諗住排通宵，而家咁安排，焗x住一陣搭尾班車去吹風」「海港城啲保安叫我躝」「不如佢直接而家派250個籌，比班人返屋企先啦，鄧佢地慘」「粉絲大鬧上年已經做得唔好，今年都係咁！「年年周年慶就係睇AM點樣花式7，上年又係 L fans L 到12號」「咁耐無諗過脫粉但而家真係想脫啦」「咁睇聽日實亂到七彩」

COLLAR成員知道有粉絲要通宵排隊送上慰問：

生日會公布兩大喜訊！

COLLAR即將舉行首個演唱會《FWD富衞保險呈獻：COLLAR CRUSH LIVE 2024》及推出EP計劃。演唱會將於2024年3月22日至24日，一連三日假九龍灣國際展貿中心匯星Star Hall舉行。門票會於本月29日，早上10時起於快達票(HK Ticketing)公開發售，只設網上及購票熱線訂票。另外，於本月24日，早上11時起可於The Club優先訂票，以Tap & Go「拍住賞」付款還會有特別優惠。

《FWD富衞保險呈獻：COLLAR CRUSH LIVE 2024》得到不少單位大力支持，各嘉賓更特意抽空出席記者會，包括富衛保險:富衛香港及澳門首席市務及數碼總監謝振國先生﹅The Club / Tap & Go「拍住賞」:香港電訊營銷副總裁數碼投資業務劉映孜小姐﹅商業電台叱咤903 :總監區穎琳小姐﹅MOOV : Head of MOOV徐凱珊小姐。所有嘉賓連同MakerVille代表Ms. Karen Li, Vice President of Artist & Event Management及Ms. Jocelyn Wang, Vice President of Artist Management到台上合照留念。

訂票資料:

COLLAR去年一周年活動粉絲塞滿鐘樓險象環生

COLLAR去年出道一周年，特別選到一年前出道的尖沙咀天星碼頭近鐘樓舉行「The Bright Side號」啟航禮擠滿過百fans，當時仍然有8位成員（包括So Ching）於觀光巴士現身，並跟在場的fans揮手，大會安排部份傳媒與COLLAR同車，另一部分傳媒則乘搭另一輛巴士，當COLLAR乘搭的「The Bright Side號」開出時，大批粉絲湧出馬路，一度混亂，現場所見不但有粉絲企上欄杆拍照，又有男粉絲狂追巴士，可謂險象橫生。如今一年後再搞粉絲活動，粉絲見到公司所謂的「安排」均表示失望：「一年前係咁衰，一年後都依然不變」、「呢兩年睇住COLLAR經歷唔少、成長唔少，我諗唯一不變嘅都係AM嘅規劃同安排」。

Fans大癲由尖吵咀跑到西九龍

COLLAR之後於西九龍文化區舉行《The Bright Side》新歌發佈會，大會早於在草地用鐵馬圍起相關位置，現場亦有數十粉絲等候，COLLAR之後現場演繹《The Bright Side》，歌曲用了不少肢體動作及群舞去演繹故事裡的感情。之後COLLAR接受在場傳媒訪問，COLLAR表示很開心成軍一周年，並感謝剛才有fans由尖沙咀跑到來西九龍來支持！