COLLAR出道至今好事多磨 粉絲擔心女團前途凍過水:驚好似Cookies變餅碎

流行娛樂

廣告

女團COLLAR自蘇芷晴(So Ching)退團後,從此由八變七,團員同經理人都講明無意加人,堅持七人走下去。不過自So Ching退團後,有粉絲擔心影響七人的士氣及前途,更指COLLAR今年氣勢有下滑趨勢。

collar COLLAR最初成軍有8位成員。
COLLAR最初成軍有8位成員。(圖片來源:IG@collar.weare)

COLLAR︳粉絲擔心退團影響COLLAR士氣

COLLAR七成員,隊長沈貞巧(Gao)擔任、王家晴(Candy)、許軼(Day)、蘇雅琳(Ivy)、邱彥筒(Marf)、李芯駖(芯駖)及陳泳伽(Winka)。由出道至今遇上不少大事,都是不利她們發展,粉絲擔心COLLAR能否再走下去。有網民在討論區出post討論COLLAR前景,引起激烈討論。有網民指COLLAR「靜英英,以為拆夥」、「而家好似原地踏步」、「上年好多廣告,今年好似靜晒」、「啲廣告去晒Lolly Talk度」、「蘇晴唱得又跳得,但退咗團」。

collar 蘇雅琳Ivy So是COLLAR的顏值擔當,在劇集《和解在後》的演出獲讚。
蘇雅琳Ivy So是COLLAR的顏值擔當,在劇集《和解在後》的演出獲讚。(圖片來源:IG@collar.weare)

COLLAR︳命運有人留低有人走?

有網民分析指,「Ivy、芯駖去拍劇、Candy返去讀書、Winka主力唱歌、Marf 做跳唱歌手,Gao去跳locking,Day最似女團成員,可以返去Lolly Talk」。有網民表示認同,並直指芯駖37歲令COLLAR定位受限制,「芯駖令女團限死咗,無得賣青春」。

collar 有人指芯駖令COLLAR難定位,是致命傷!
有人指芯駖令COLLAR難定位,是致命傷!(圖片來源:IG@collar.weare)

COLLAR︳Winka把口唔收影響女團形象

有不少網民指COLLAR今年重新出發,但卻被多口的Winka拖累,「Winka唱歌好,但成日亂講嘢」、「每日都由0出發」、「保持pre出發」、「Winka初時幾討好,又唱得,點知一比佢唱solo就出事,日日講前度,講足幾個月,最近仲講緊,仲唔認自己口多」、「搞衰埋成團嘅感覺」、「佢本身談吐能力/性格容易令團隊招惹是非,拖累團隊形象」

collar Winka今年推出獨唱歌《一手造成》,宣傳時把前度掛嘴邊,被指不停消費前度,不過Winka堅持做自己。
Winka今年推出獨唱歌《一手造成》,宣傳時把前度掛嘴邊,被指不停消費前度,不過Winka堅持做自己。(圖片來源:IG@collar.weare)

COLLAR︳ViuTV唔識捧女團

有更多網民指公司唔識捧人,「Viu有一手好牌打成爛牌」、「經理人唔知去咗邊?COLLAR定位一向有問題,安排交代退團,經理人又推晒班女出嚟,成件事好影響女團形像,佢哋又唔係好識講嘢,拖佢哋出嚟死咁」、「Winka亂講嘢,經理人又唔教育下佢」

collar Day向來有觀眾緣!
Day向來有觀眾緣!(圖片來源:IG@collar.weare)
collar Candy王家晴都是Collar中的顏值擔當,近日和Day主持的旅遊節目《韓國留學Day Day晴》大受歡!。
Candy王家晴都是Collar中的顏值擔當,近日和Day主持的旅遊節目《韓國留學Day Day晴》大受歡!。(圖片來源:IG@collar.weare)

COLLAR︳網民支持到底:7個女仔各有特式,食晒成個市場

不過有不少網民撐COLLAR到底,逐一為以上負評反擊,「Lolly Talk都唔係全部妹豬㗎,相信COLLAR㨂人時,有諗過年紀差距,每個女仔各有特式,食晒成個市場都啱呀」、「Marf首solo好出喎,將會逐個有solo歌,好似MIRROR咁,每人發展唔同,長處唔同」、「MIRROR點行,COLLAR咪點行囉,各自做下嘢,然後又合體出歌,拍戲,拍劇,團體係咁架喎,一定可以繼續行落去」、「睇佢哋IG其實個個默默做緊嘢,係啲嘢未出街啫」、「我覺得SoChing退團後,個七個好似仲更加珍惜大家咁,反而多份團魂」、「唔好成日話芯駖拉高年齡,佢好有味道,我係女人都鍾意佢,同埋佢主持節目都幾好」、「Ivy So唔係得個樣,做到戲,Day同Candy有觀眾緣、Marf就唔使講已經可以獨當一面、Winka真性性又唱得、Gao做主持幾好、芯駖其實有好多可能性,啱啱出道撞正疫情,比啲時間佢哋啦,睇好香港女團COLLAR」。

collar Marf首solo歌好出色,唱得跳得又有壓台感。
Marf首solo歌好出色,唱得跳得又有壓台感。(圖片來源:IG@collar.weare)
collar 隊長Gao性格得人鍾意,又有大將之風。
隊長Gao性格得人鍾意,又有大將之風。(圖片來源:IG@collar.weare)

圖片來源:IG@collar.weare