CHILL CLUB開騷、公眾現場有得睇! 姜濤個唱後出山、6大當紅歌手同台!樂迷上網爭100張飛

CHILL CLUB開騷、公眾現場有得睇! 姜濤個唱後出山、6大當紅歌手同台!樂迷上網爭100張飛

ViuTV不但打破傳統電視節目框框,更締造出香港樂壇新景象,今次就CHILL CLUB宣布於6月5日開騷,邀請林家謙、姜濤 、Ian 陳卓賢、林二汶、Serrini 及Gin Lee 李幸倪同台演出,仲要有得現場睇,不過只有100位幸運兒可以入場!

撰文:東方新地| 圖片:ViuTV圖片 、姜濤IG圖片|編輯:20|原文刊於:東方新地

姜濤
CHILL CLUB宣布將於6月5日開騷,由年度男女歌手金銀銅獎得主演出。
姜濤
CHILL CLUB為年輕歌手製造出更多表演機會。

CHILL CLUB 頒獎禮後首個大騷

ViuTV的音樂節目CHILL CLUB深受觀眾歡迎,因為太多觀眾反映意見,好想入場睇節目錄影,所以ViuTV於6月5日邀請《CHILL CLUB 推介榜 年度推介20/21》男女歌手金銀銅獎得主,即係林家謙、姜濤 、Ian 陳卓賢、林二汶、Serrini 及Gin Lee 李幸倪,聯同CHILL CLUB團隊一齊移師旺角麥花臣,以最高規格進行演出及錄影。

姜濤
《CHILL CLUB 推介榜 年度推介20/21》男歌手金銀銅獎得主,林家謙、姜濤及Ian。
CHILL CLUB
《CHILL CLUB 推介榜 年度推介20/21》女歌手金銀銅獎得主,林二汶、Serrini及Gin Lee。

姜濤個唱後情緒不穩

演出歌手中,以林家謙與姜濤的人氣最盛,不過姜濤月中完成MIRROR個唱後,多次發表感觸言論,最近一個IG POST更表示對所有事情都好疲累,疑似承受不到走紅後的壓力,為此他潛水多天未有作公開露面。

姜濤
成名後的姜濤壓力之大超出想像,與「Yolo女神」Candy的緋聞更令他非常困擾,早前他公開維護Candy。
姜濤
個唱後姜濤疑因壓力大爆發,在社交網留下一句「I’m tired of everything」。

樂迷為入場爭崩頭

CHILL CLUB今次搞呢場騷,絕對是今年最難搶飛的演出,因為冇得買亦唔係先到先得,仲要名額得100張,想成為現場的一份子,就要答一條創意問題,問題係:你最想呢六個單位一齊玩邊首歌?點解?答得最好的50位,就可以得到2個入場名額,足本睇晒幕前幕後點樣CHILL 住做,仲有機會被製作團隊採用,成為正式環節一部份!消息在網上公布後,海量樂迷即上網登記答問題搶飛,結果造成網絡大塞車。

姜濤
樂迷在ViuTV的網站投訴入唔到去登記,ViuTY專人回應,乘機叫大家去重溫「ERROR自肥企画」。
姜濤
有網民質疑ViuTV只為宣傳。
姜濤
更有網民提議既然網絡ERROR不如請埋ERROR去表演。

YOU MAY ALSO LIKE ...