Cheronna與黃奕晨拍拖兩年 疑對方有第三者更手握證據:對佢信任完全瓦解

Cheronna與黃奕晨拍拖兩年 疑對方有第三者更手握證據:對佢信任完全瓦解

Super Girls成員Cheronna(吳嘉熙)同夏雨兒子兼ViuTV主持黃奕晨(Dixon)曾拍拖兩年,分手時,雙方曾各傳出軌,因此一度在各自在社交網發文澄清,並堅稱兩人分手不涉及第三者;直至日前Cheronna接受網上平台訪問時,再度提及和Dixon分手原因,竟然話:「我唔知呢個第三者係咪的確存在,可能係佢行動上令我誤會嗰個係第三者,我冇搵真相,但我有啲證據!」

文:東方新地|圖:Cheronna IG、黃奕晨IG、新傳媒圖片庫|編輯:HM(原文刊於:東方新地)

Cheronna:我唔知佢偷偷哋做啲乜嘢

Super Girls成員Cheronna(吳嘉熙)同夏雨兒子兼ViuTV主持黃奕晨(Dixon)曾在2017年開始拍拖,到2019年分手,期間兩人經常公開放閃,因此兩人分手時引起眾人嘩然,曾有指Cheronna一腳踏兩船,撻著商台DJ阿檸,亦有指Dixon移情別戀同公司藝人譚凱倫(Helen),最後Cheronna和Dixon都選擇在社交網發文澄清,強調兩人分手不涉及第三者。

兩人拍拖期間,Cheronna曾為Dixon大搞「譚仔」生日會,並向他送上一大碟「土匪雞翼」,代替生日蛋糕。(圖片來源:新傳媒圖片庫)
兩人拍拖期間,Cheronna曾為Dixon大搞「譚仔」生日會,並向他送上一大碟「土匪雞翼」,代替生日蛋糕。(圖片來源:新傳媒圖片庫)
Dixon亦曾為Cheronna親手炮製了一個「麥樂雞蛋糕」慶祝生日。(圖片來源:新傳媒圖片庫)
Dixon亦曾為Cheronna親手炮製了一個「麥樂雞蛋糕」慶祝生日。(圖片來源:新傳媒圖片庫)

但日前Cheronna接受網上平台訪問時,再度提到和黃奕晨分手原因,她直言因為與上一任男友有不愉快經歷,令她難以全身投入與黃奕晨的戀情,期間更懷疑對方出軌,令她對其信任完全瓦解,她表示:「我唔知呢個第三者係咪的確存在,可能係佢行動上令我誤會嗰個係第三者,我冇搵真相,但我有啲證據!」

【考有Feel】MIRROR、ERROR同場對決!姜濤化身「神級試味員」、保錡比賽唔專心又扮撞聾!
黃奕晨入行多年,近年因為主持ViuTV不少節目而人氣急升,當中包括他早前與小儀、Edan一同主持的遊戲節目《考有Feel》。(圖片來源:ViuTV)
拍劇方面,除了早前客串演出ViuTV人氣劇《大叔的愛》外,近日黃奕晨亦有份參演劇集《冥冥之中》以及新劇《i.SWIM》(見圖)。(圖片來源:黃奕晨IG)
拍劇方面,除了早前客串演出ViuTV人氣劇《大叔的愛》外,近日黃奕晨亦有份參演劇集《冥冥之中》以及新劇《i.SWIM》(見圖)。(圖片來源:黃奕晨IG)

雖然自言手持證據,但Cheronna指兩人分手的真正原因,是她逼得對方太緊,她說:「每次電話響,我就會諗係咪有人搵佢,每次瞓覺,我唔知佢偷偷哋做啲乜嘢,乜都黐到實,令佢辛苦,搞到佢提出分手。」

Cheronna直言唔知黃奕晨係咪真係有第三者,但話自己當時手上係「有啲證據」。(圖片來源:新傳媒圖片庫)
Cheronna直言唔知黃奕晨係咪真係有第三者,但話自己當時手上係「有啲證據」。(圖片來源:新傳媒圖片庫)

Cheronna又提及在跟黃奕晨拍拖前,曾有個「控制狂」前度,拍拖3個月就經常「癲咗咁鬧交」,逼到她成日爆喊,甚至自殘身體,她說:「當時我希望用傷害自己嘅方法去平息件事,曾經自己摑自己,打落牆搞到自己瘀晒,啲碟掃埋落地照踩上去啲碎片度。」

Cheronna接受陳志雲訪問,指經歷兩段情傷,令她得到成長。(圖片來源:Cheronna IG)
Cheronna接受陳志雲訪問,指經歷兩段情傷,令她得到成長。(圖片來源:Cheronna IG)

出身在單親家庭的Cheronna,更曾因該名前度而和媽咪關係鬧僵,直到Cheronna覺得難再與對方相處下去,最後以「父母反對」為由提出分手。

講到小學一年級時父母已離婚的往事,Cheronna忍不住感觸落淚。(圖片來源:Cheronna IG)
講到小學一年級時父母已離婚的往事,Cheronna忍不住感觸落淚。(圖片來源:Cheronna IG)

現年32歲的Cheronna希望下一段情可以學識放鬆及感恩,至於理想男友就要靚仔、有才華、有耐性及錫她的屋企人,她又笑言:「希望下一次可以係我最後一段情,因為我唔想再失戀。」

Cheronna話怕自己太沉溺於戀情,所以決定暫時只專注事業,唔想拍拖住。(圖片來源:Cheronna IG)
Cheronna話怕自己太沉溺於戀情,所以決定暫時只專注事業,唔想拍拖住。(圖片來源:Cheronna IG)

同樣32歲的黃奕晨(本名黃俊銘)是TVB視帝夏雨(本名黃成志)的兒子,不過他出道6年,一直在ViuTV擔任主持。早前黃奕晨曾孖住父親夏雨為ViuTV節目《是滴是友》做嘉賓,當時提到經常與同台女藝人包括譚凱倫及Kathy仔(王頌茵)等傳緋聞,黃奕晨笑言自己已「衰過一次」,因此暫時只會專注在工作上,拒絕拍拖。

早前黃奕晨首度孖住父親夏雨以父子檔上陣,一齊為ViuTV節目《是滴是友》擔任嘉賓。(圖片來源:ViuTV影片截圖)
早前黃奕晨首度孖住父親夏雨以父子檔上陣,一齊為ViuTV節目《是滴是友》擔任嘉賓。(圖片來源:ViuTV影片截圖)
主持過ViuTV多個節目的黃奕晨,與同台女藝人包括譚凱倫(左二)及Kathy仔(右二)都傳過緋聞,其中譚凱倫更曾被指是導致黃奕晨與Cheronna分手的第三者。(圖片來源:黃奕晨IG)
主持過ViuTV多個節目的黃奕晨,與同台女藝人包括譚凱倫(左二)及Kathy仔(右二)都傳過緋聞,其中譚凱倫更曾被指是導致黃奕晨與Cheronna分手的第三者。(圖片來源:黃奕晨IG)

即睇《志雲頻道 stephenchannel》Cheronna訪問:

YOU MAY ALSO LIKE ...