【內文有片】Chantel成新一代廣告女王！？ 姚焯菲飲水短片2日過4萬點擊、《戀愛預告》過250萬觀看數！網民：啲水咁甜！
姚焯菲飲水短片2日過4萬點擊！
《聲夢傳奇》14歲參賽者姚焯菲（Chantel）不但人靚聲甜，舉手投足更盡顯少女初戀情懷，迷倒唔少人成為Fans就連「坤哥」吳業坤也是她鐵粉之一。日前有粉絲在YouTube上傳一條姚焯菲飲水短片，包括Chantel在節目內外的飲水片段，影片上傳不足2日經已破4萬觀看數！人氣絕對唔係講笑，就連飲水都大把人睇！
唔少網民大讚姚焯菲飲水好靚，更直言「啲水好甜」、「飲水都咁Cute」。亦有網民提議Chantel去拍檸檬茶廣告，絕對能讓人重拾青春校園初戀感覺：
希望重拍檸檬茶廣告，重唱當年集體回憶嘅歌(如果陽光)可能繼戀愛預告再爆紅嘅金曲
陽光肯定己經嚟料！
話雖唔少粉絲支持，不過亦有部份女網民直言：未見過女人咩？
姚焯菲人氣高企
年僅14歲的《聲夢傳奇》參賽者姚焯菲（Chantel）在上周六(6月5日)翻唱林珊珊為84年電影《開心鬼》主唱的插曲〈戀愛預告〉，甜蜜的唱腔成功唱出少女情懷，成為該集一大亮點，短片推出三日，在YouTube不但得到約60萬點擊次數，更連續兩日穩佔網站熱搜榜首位，風頭一時無兩！
青春無敵大獲好評
姚焯菲被大批網民正評，更有人指她「夠青春、單純，有初出道Twins及韓國國民初戀秀智影子」，對於外界熱捧，姚焯菲於社交網逐一感謝幫過她的台前幕後，當中包括《聲夢》導師：「記得練習嘅時候未做到好Sweet嗰種感覺出嚟。你哋不斷搵辦法佢（去）令我笑得甜啲。」
坤哥毒男上身
姚焯菲唔止迷倒網民，就連吳業坤也是她的鐵粉之一，日前他不避嫌於社交網寫下「Chantel」，然後再在留言位補充：「I’m fans」，又指「生到個咁嘅女就好囉，不過又會勁擔心。」
JW挺身而出
身為《聲夢》導師的JW王灝兒忍不住搭訕：「你放過佢啦。」吳業坤繼續自high：「我係（喺）公司見到佢都唔敢打招呼。」網民因此反應兩極，有人與JW同一睇法，留言取笑吳業坤是怪叔叔，亦有人留言：「你等多佢4年啦，媽媽話未夠18歲唔可以拍拖㗎。」
https://youtu.be/U76U6NUSeS4
