陳冠希前度Cammi 拍片力證自己全天然無P圖 網民:當人盲架?!
廣告
陳冠希舊愛謝熙婷(Cammi,前名謝芷蕙),近年過成級做「小富婆」,除咗分享高調炫富生活之外,仲不時大派福利圖。不過啲福利圖就唔係個個都受落,反而只係關心Cammi變幻莫測的P圖技術,因為p到超越正常人體極限。Cammi今次似乎因為咁而拍片反擊自己係純天然!
Cammi被飽轟P圖好重手 即上載短片力證自己全天然
Cammi去內地旅遊,心情咁靚,自然派下福利相益街坊,點知Cammi受到網民質疑,覺得佢P圖太重手。Cammi急急腳上載短片,力證自己身材全自然,絕對沒P圖痕跡,而影片中Cammi身材確實無明顯放大縮小效果,唔知網民收唔收貨。
Cammi再曬舊相證明自己大升級
Cammi隨後仲喺IG Story曬出2018年的靚相,但望落就比現時遜色唔少!見到Cammi以前嘅身材同樣就非常完美,不過近幾年Cammi身材同外貌不停升級,由小巧身形變為到三角形火辣辣身材。如果Cammi嘅近照係全天然,咁佢近幾年真係暴風式成長,變到更加惹火!
Cammi進軍內地抖音市場 神奇P圖法炒車出晒事
Cammi謝熙婷近年進軍內地網紅市場,於內地知名社交媒體「小紅書」上開設個人帳號「Cammi熙婷」,佢不時都喺小紅書上分享自己的生活以及炫富。不過做得「中國式網紅」,P圖技巧當然唔能夠輸蝕,所以由Cammi的小紅書中都可以見到,她的樣子同身材都不時因為P圖的關係而變得「變幻莫測」,觀眾欣賞期間都捉摸唔到邊個先係Cammi的真正樣貌!
Cammi驚現高低胸蛇精樣 網民睇到阿媽都唔認得
觀眾欣賞期間都捉摸唔到邊個先係Cammi的真正樣貌!Cammi樣貌P到「阿媽都唔認得」咁款,極端少少可能就會變成「蛇精女」,網民睇完都話:「你有冇諗過你真實嘅樣可能會比而家呢堆P圖更好看?」,亦有人認唔出佢係Cammi,大問「係唔係EDC前度」。Cammi更試過P圖出現「鴛鴦胸」情況,胸部一高一低,網民睇完之後都大笑:「P到高低胸」、「你的胸也太好笑了吧」、「為什麼胸部感覺有點奇怪?」