Ca姐

Ca姐陳苡臻廣告代言連番出事 被嘲似屯門娜娜擺檔

流行娛樂

廣告

Jessica陳苡臻(Ca姐)在「試當真」出道,以清純取勝,成為世一。自從撻著老闆游學修,疑似派帽畀拍拖六年男友,形象插水。不過在修哥庇蔭下,近來又做女主角又為名牌代言,只可惜物極必反﹗近日Ca姐兩個代言廣告見街,被網民嘲上唔到大枱,成個屯門娜娜,令名牌檔次瞬間降呢!

Ca姐 網上流出疑似Ca姐和前男友的pre-wedding相,Ca姐被指疑似派帽。
網上流出疑似Ca姐和前男友的pre-wedding相,Ca姐被指疑似派帽。(圖片來源:LIHKG 討論區截圖)

Ca姐陳苡臻 升呢修女人氣大跌

Ca姐 陳苡臻自升呢「修女」後,人氣反跌,疑似為游學修飛甩已談婚論嫁、影埋pre-wedding相的男友,女神形象幻滅!外界不時拿Ca姐與同期出道的kayan9896(吳家忻)比較,kayan9896不但闖樂壇又成為名牌竉兒,早就由KOL升呢明星!而停留在KOL界的Ca姐近日連番接了不少廣告,為名牌香水及名牌護膚品賣廣告,被網民指其造型、甫士、影相角度等等都好MK 、上唔到大枱,封為名牌黑星!

Ca姐 Ca姐被網民指似拎住枝茅台,更驚訝指Ca姐疑似外套內真空上陣。
Ca姐被網民指似拎住枝茅台,更驚訝指Ca姐疑似外套內真空上陣。(圖片來源:IG@krisssica)
Ca姐 游學修將Ca姐私有化。
游學修將Ca姐私有化。(圖片來源:試當真影片截圖)

網民:Ca姐似拎住枝茅台!

Ca姐近日出席Chanel護膚品廣告event,她身穿名牌紅白套裝,拎住護膚品影了一輯相片,被網民嘲「好似大媽拎住枝芧台咁」、「搞cheap人哋個brand」、「副MK樣唔襯套咁優雅嘅Chanel套裝,著喺佢身上變山寨貨」、「我以為屯門娜娜出山」、「成個娜娜咁款」、「MK妹出中環?」、「佢最多可以扮學生妹賣下暗瘡貼」、「究竟係髮型化妝出事,定係套衫出事,最出事都係佢本人,點都襯唔起啲貴嘢,carry唔到啲高級嘢」等等。

Ca姐 Ca姐出席Chanel護膚品牌活動,連貼三張單人照,被指令品牌降呢﹗
Ca姐出席Chanel護膚品牌活動,連貼三張單人照,被指令品牌降呢﹗(圖片來源:IG@krisssica)
Ca姐 個髮型係咪未ready?
個髮型係咪未ready?(圖片來源:IG@krisssica)

Santis曾捲派帽風波

該活動還請了不少人KOL及藝人出席,包括如前熊仔頭的Santis、佩男思男兩姊妹、Hillary、陳欣妍Shirley 等,網民指Santis都捲入派帽疑雲,但為品牌影相「無Ca姐嗰份MK感覺」!

Ca姐 同MC張天賦傳緋聞的Santis都有出席活動。
同MC張天賦傳緋聞的Santis都有出席活動。(圖片來源:IG@santis_chan)

Ca姐賣香水變賣珍珠奶茶

Ca姐在社交網分享為名牌賣香水廣告,穿上性感絲質吊帶裙,兼大露背,眼神誘人,被指大晒修哥視角,又再被網民指搞cheap個品牌,留言嘲笑「點解可以賣香水變賣緊手搖飲品咁?」、「以為佢賣珍珠奶茶」、「佢拎上手即刻cheap晒」、「佢啲眼神同甫士,以為砵蘭街啲廣告」等,又指她摵唔甩陣MK味,勸她專心做修女,幫修哥管數好過喎!

Ca姐 Ca姐大露背,網民指她大晒修哥視角。
Ca姐大露背,網民指她大晒修哥視角。(圖片來源:IG@krisssica)
Ca姐 網民指Ca姐著上「情趣內衣」出事。
網民指Ca姐著上「情趣內衣」出事。(圖片來源:IG@krisssica)
Ca姐 Ca姐賣香水,網民指似賣手搖飲品。
Ca姐賣香水,網民指似賣手搖飲品。(圖片來源:IG@krisssica)
Ca姐 網民封Ca姐做名牌黑星。
網民封Ca姐做名牌黑星。(圖片來源:IG@krisssica)

睇睇正面教材示範:

常見問題

Ca姐 陳苡臻的感情生活是?

Ca姐 陳苡臻自升呢「修女」後,人氣反跌,疑似為游學修飛甩…詳情請看

Ca姐抄Kayan9896?

網民指Ca姐抄人玩型格,但完全唔適合自己,近半年改形象想變類似poker face,髮型衣著有一排抄到…詳情請看

圖片來源:IG@krisssica、IG@liliankan、IG@santis_chan、

YOU MAY ALSO LIKE ...