BTS隊長RM被爆結婚傳聞 公司急發聲明回應

流行娛樂

廣告

韓國人氣天團防彈少年團(BTS)唔單止唱跳都得,全能嘅魅力加上平時親民互動,令佢哋出道9年就問鼎全球收獲大量粉絲,不過早前推出完新歌《Yet to Come》就宣布7位成員即將展開Solo活動,暫停團體活動,疑為之後成員們當兵作準備。不過估唔到宣布完展開個人活動,日前就傳出隊長RM(金南俊)爆出即將要結婚嘅消息。

BTS BTS隊長RM金南俊)爆出即將要結婚嘅消息。
BTS隊長RM(金南俊)爆出即將要結婚嘅消息。(圖片來源:IG@rkive)

公司急發聲明回應

根據韓媒嘅報導,爆料者喺社交平台上面爆料稱RM即將要同圈外嘅女友結婚,女方畢業於名流學校加上屋企環境唔錯,兩人喺2014同2015年間嘅粉絲見面會上認識,雖然爆料並未有任何嘅照片同影片或文字截圖佐證,不過因為BTS全球都有眾多嘅粉絲,引起民眾熱議。對此,BTS所屬經紀公司「Big Hit Music」早前透過報導澄清:「RM的結婚傳聞根本毫無根據,對於所爆出的惡性謠言,我方將對其採取相應措施。」公司揚言要起告爆料者。

BTS 爆料者喺社交平台上面爆料稱RM即將要同圈外嘅女友結婚,女方畢業於名流學校加上屋企環境唔錯。
爆料者喺社交平台上面爆料稱RM即將要同圈外嘅女友結婚,女方畢業於名流學校加上屋企環境唔錯。(圖片來源:IG@rkive)

早前被爆有圈外女友

不過事實上早喺上年12月,RM曾經被YouTube頻道「탈덕수용소」(脫飯收容所)爆料,稱RM喺圈外有一位穩定交往咗兩年嘅女友,同樣透露女方都係出身自富有家庭,當時公司以「毫無根據」去否認緋聞,對於事隔1年再出現結婚傳聞,粉絲都要求公司要硬起來提告。

BTS
(圖片來源:IG@rkive)

關鍵詞
btsRM
圖片來源:IG@rkive