Bob林盛斌不滿老婆被網絡欺凌！發長文力撐：喺我心目中，已經係「完美」

Bob林盛斌不滿老婆被網絡欺凌

Bob與Bob嫂於2007年結婚，二人育有3女1仔，包括大女林霏兒、二女林熹兒、 三女林機兒和細仔林道申。4孩之母的Bob嫂照顧小朋友外，也積極發展自己事業，她精通紫微斗數、奇門遁甲、風水八字和西洋占星等，相當犀利。Bob嫂沒有只靠老公外出搵錢，反而增值自己，闖一番事業。

不過有人似乎相當葡萄Bob嫂，刻意攻擊她的外表和身材。Bob馬上出發護妻勁Man，提到：「最近，有幾個報導提起我太太， 然後有好多網民留言評論， 包括佢嘅外表同埋佢嘅工作， 當然唔會全部都係一啲好好聽嘅說話， 人身攻擊嘅有，無中生有嘅都有，好精彩。 我太太的確唔係乜嘢大美人， 佢只係一個普通女人，40歲， 從來唔化妝，冇打針，冇整容， 鬆動啲先去買兩件靚少少嘅衫着下， 生咗四個小朋友，好努力照顧佢哋， 亦安排好佢哋嘅起居飲食同所有嘢， 私人時間就去學吓呢樣，做吓嗰樣， 然後將自己嘅興趣發展成為事業， 靠自己嘅能力同知識去賺取家用。」

發長文力撐：喺我心目中，已經係「完美」

Bob續指老婆仍然keep到宜家呢個狀態，在他心中已是完美。最後他講到：「搞我好啦，放過我屋企人啦，唔該晒！By the way，佢係瘦咗，又靚咗。」

 
網友一致打撐Bob夫妻，大讚Bob嫂：「你太太是賢內助，心美人美。」、「不嬲覺得你老婆正，無論樣同形態都好有福氣，娶到呢個老婆簡直係旺你。」和「家裏有賢妻，亞Bob真係威。」同時又留言叫Bob不用理會那些亂說話的人。