arhoTV

Arho Sunny再被YouTuber揭大話連篇:60萬人形雕像想賺到盡好嘔心!

流行娛樂

廣告

YouTuber arhoTV的 Sunny及Creamy是非不斷,早前佢哋被網民鬧爆推出NFT 無年齡限制購買,令人感覺佢哋呃啲心智未成熟小朋友嘅錢,跟住又被網民爆料,多次強調自己唔會喺內地買貨嘅Sunny,賣淘寶貨,事後佢哋買片道歉。本以為事情已告一段落,近日又再被另一位Youtuber指佢講大話成癮,早前一條「一星期工作室大改造」的影片,入面價值60萬的人形雕像都係淘寶貨!

arhoTV
(圖片來源:youtube@arhoTV)

Sunny再被踢爆講大話淘寶$300人形雕像吹到60萬?!

Sunny於4月一條片中講到自己將工作室大改造,仲擺咗價值60萬的人形雕像喺工作室,嗰啲雕像已經不止一次被sunny強調價格不菲,俾人感覺非常奢侈富貴!不過近日就有youtuber TIK LEE 拍片踢爆Sunny所謂價值60萬的人形雕像疑只係淘寶賣緊人民幣300-3000,放上一系列於淘寶的截圖,斥sunny真係講大話講上癮,好嘔心!而且仲指sunny抬到個價咁高最終目的似係想呃觀眾錢,因為sunny曾經拍片講過如果有觀眾有興趣可以pm佢,仲話會俾一個「觀眾價」,TIK LEE 直斥sunny真係賺到盡,成日想將2手的物品千方百計變錢!

arhoTV
(圖片來源:youtube@arhoTV)
arhoTV
(圖片來源:youtube@arhoTV)
arhoTV
(圖片來源:youtube@arhoTV)
arhoTV
(圖片來源:youtube@arhoTV)

網民推測連道歉片都係大話!

網民睇完片後,意見2極,雖然sunny最近形象愈來愈差,但都有網民支持佢,認為「初模公仔一隻要幾萬不出奇,而淘寶商家keep住個模,可以大量制造,成本自然可以很低。公仔的模是佔整個公仔的7至9的成本」「我唔係幫Sunny 不過其實我都做開呢行 我有幫人做代理同埋打模 其實呢呢舊嘢貴在唔係個成品 而係不斷打樣既過程」亦有唔少網民就認為就算sunny唔係淘寶人民幣300買,都唔會係60萬,認為sunny真係吹得太大,而家先會俾人不斷踢爆!「又有好有心既師兄去左問,只要比圖比尺寸,就幫攪掂曬, 一條龍$4000人仔喎,師兄你點睇?有冇諗住再比幾萬去做一隻?」「加埋運費我諗可能$5000人仔到啦」「上次天使B都係唔洗10萬…這種何來60萬」「可以收檔了 sunny 大話連篇」「就咁睇個雕像都知係大陸style」「唔奸點賺大錢 , 短時間買到樓」「今次點兜好」網民仲留意到,sunny有機會連道歉片都係大話「其實重點唔係60萬,而係佢聲稱20年無再用淘寶,結果呢隻野21年出,即係21年佢都仲係用緊淘寶,即係佢條道歉片又講大話」

常見問題

早前Arho Sunny為何會被網民爆料?

早前佢哋被網民鬧爆推出NFT 無年齡限制購買,令人感覺佢哋呃啲…詳情請看

Arho Sunny再被踢爆講什麼大話?

Sunny於4月一條片中講到自己將工作室大改造,仲擺咗價值60萬的人形雕像喺工作室,不過近日就有youtuber TIK LEE 拍片踢爆Sunny所謂價值60萬的人形雕像疑只係…詳情請看

圖片來源:youtube@arhoTV、youtube@TIK LEE資料或影片來源:youtube@TIK LEE

YOU MAY ALSO LIKE ...