ArhoTV退錢︳Sunny上水道歉搞退錢 網民：又做賣慘show！
SunnyCreamy上水拍片搞退款
arhoTV的Sunny與女友Creamy於12日上水，上傳一段「公告」的影片，內容中Sunny同女友Creamy再次為早前的事件道歉以及退款，Sunny指佢哋已經經過多個月嚟的反省同埋吸收咗好多唔同的意見，明白到自己的言行不一令觀眾失望同埋不快，所以想用行動去承擔返自己的責任，以港幣原價回收返ArhoTV咁多年嚟推出過的產品，退款會由14號到20號，仲俾表格大家填預約時間。有網民留言問NFT有冇得退，sunny亦回覆去Discord度搞，會有專人處理，最後Sunny表示佢哋會吸取今次的教訓，將來會做得更加好。
網民：以退款作為「復出頭炮」
Sunny片一出，馬上就成為熱門影片，備受討論，有網民支持亦有網民鬧，鬧的多數認為退款係於事無補同埋覺得Sunny咁耐以嚟都無冇顧及粉絲的感受，同埋似乎係想以退款作為「復出頭炮」，之後長搵長有「你地覺得退款就可以彌補你地的錯咩，我以前都支持你地，但係而家我覺得你地的風格好單一同埋商業化，講到尾你地都係想自己賺錢，你地從來冇顧及過我地呢班一路支持你地的觀眾，仲有之前NFT事件，你地係咪應該有責任去解釋比d未成年的觀眾講乜野係NFT，好多入世未深的小朋友就係一張白紙，你地咁樣會影響d細路的人生。」「面皮真係厚過地殼！簡直世一！幾個月你兩個已經飾演緊 面皮巨大化！我終於get 到點解仲繼續出片」「退款只是場SHOW扮慘」「退錢只係手段，目的好明顯啦，想起死回生，用有限錢換返長遠收入。」「笑死我 居然玩退款，為咗唔想放棄搵快錢嘅職業，到底你哋仲有啲咩招未出」「多人退反而唔驚，有限錢，起碼Keep住有人氣，仲可以有機會真人懶有誠意咁鞠躬道歉，拉到一個就一個。佢哋最驚係完全冇人理，冇人提冇人講，慢慢消失。」而支持的粉絲似乎被sunny的態度有所感動「希望末來繼續拍好片！唔好放棄呀，努力加油」「一定會永遠支持你哋」「Sunny Creamy多謝你哋仍然堅持」「好掛住你哋啲片！！希望可以返到以前嘅速度出片！」「貨就唔退，希望你哋繼續努力拍片」不過有網民就發現呢啲留言支持sunny的「網民」疑似係sunny打手，想帶風向齊齊唔退錢。
有什麼事情令Sunny及Creamy形象大跌？
YouTuber arhoTV的 Sunny及Creamy近日是非不斷。早前他們因NFT事件和…即睇詳情
當年Sunny與Ashly分手的原因是？
Sunny曾與youtuber Ashly拍拖8年，他們分手後，Sunny亦曾於直播爆出其分手原因，更暗示Ashly給…即睇詳情
