【唔係香港嗰隊呀】AOA教你點性感

AOA喺韓國出道3年,走完可愛再走型女,都冇fans受落,甚至一度被公司發出散band警告信,最終惟有使出撒手鐧,前年以一曲〈Miniskirt〉,黑絲、短裙、趷籮成功殺出血路,今次難得齊人嚟到香港,點都要問番幾句。

text-Phoebe photo-Man

睇片練性感

〈Miniskirt〉形象較性感同成熟,同你哋本身形象都差幾遠,有冇擔心fans唔接受?
草娥:「其實我哋由〈Confused〉呢首歌開始已挑戰唔同嘅性感形象,當時會睇住塊鏡去練習性感嘅表情,同埋都會睇啲前輩嘅video學習,我哋每次練習都會拍video,之後再同工作人員一齊翻睇,改進同練習,到表演時都係最好嘅成果,得到大家嘅喜愛,我哋都好開心。以後我哋都希望會俾大家見到AOA更多唔同嘅形象,希望大家可以繼續支持AOA。」

除音樂之外,最想全員一齊做咩工作?
智珉:「拍劇拍廣告綜藝之前都已經試過一齊做……最想係喺香港開到AOA演唱會,同埋一齊嚟香港旅行shopping。」

內容延讀

>【新一代性感女神】EXID邊叫阿爺邊擘髀

>唔好啦!又嚟?港產片又玩科幻 古天樂機械人造型曝光

 

AOA一開始係樂團,而家比較偏向舞團,轉型過程有冇遇上困難?

草娥:「其實我哋本身係樂團同舞團兩個形象都有嘅組合,而且一開始就兩個形象同時準備,每次都會為帶俾大家新形象而去努力。而嚟緊亦唔係話唔再以樂團方式活動,我哋都有小分隊嘅計劃,並唔係完全轉型為舞團,所以希望大家能夠繼續期待我哋之後嘅發展。」
智珉最近同J.DON組成N PROJECT,除咗佢之外,重有冇想同公司邊位歌手合作?
智珉:「N PROJECT係由我同J.DON一齊合作,如果有機會嘅話,都係希望繼續同J.DON一直做落去,雖然之後可能會有其他嘅舞台合作出現,不過我同J.DON呢個真係冇得頂。」

YOU MAY ALSO LIKE ...