Angelababy 5部主演劇集被除名 疑列劣跡藝人？
廣告
近日人氣女星Angelababy楊穎被網民發現多部由佢主演嘅劇集作品喺多個影視網站上遭到除名，因此惹來唔少網民嘅猜測同好奇心，猜測Angelababy係咪因為得罪高層而遭到封殺而被列劣跡藝人。
疑步趙薇後塵列為劣跡藝人？
喺上年8月，內地女星趙薇因為一連串嘅「辱華」舉動，而傳出被當局列入為「劣跡藝人」名單，唔單止主演嘅作品從影視網站上面遭到下架，連趙薇嘅「微博超話」都消失埋。雖然Angelababy嘅「微博超話」未消失，但由網友曝光嘅資料可以發現，多部作品上嘅主演名單已經搵唔到Angelababy楊穎嘅名字字眼，包括《塵緣》﹑《暮色心約》、《漫影尋蹤》同近日播出嘅《愛情應該有的樣子》不過劇集嘅海報上依然存在佢嘅樣貌。不過令人感到最奇怪嘅係連多年前拍攝嘅《渴望生活》演員名單上，Angelababy都遭到除名，但名單上仍然有因為有早前涉及婚外情而遭到封殺嘅演員吳秀波，所以令廣大網友百思不得其解。
真相耐人尋味 網民說法大不同
網友對Angelababy突然被除名都紛紛有唔同嘅猜測。有網友指出疑因為Angelababy爭奪主演嘅排位次序而得罪高層，另一個猜測指可能只係影視平台之爭，不過各有各說法，難以證實。加上早前5月時Angelababy突然註銷4間工作室，令粉絲十分擔心稅務方面嘅問題，而依加飾演嘅作品又遭到除名，難免會惹起大家唔同嘅猜測。
圖片來源：IG@vicki_zhaowei, IG@angelababyct, 微博＠劇綜班主任, 微博＠財經網科技
