Angelababy霸氣回應拍戲假食、有生之年系列!
拍戲假食 放嘴邊當食咗?
2015年播出嘅內地劇集《大漢情緣之雲中歌》,投資方用天價嘅價錢邀請Angelababy楊穎擔任女主角,點知Angelababy唔單止演技被一眾網民負評,連當中食嘢嘅片段都被網民發現喺假食,Angelababy被批十分之唔敬業,網民:「收咁多錢,連食嘢都要假食!」不過就咁睇呢段假食都幾逼真,可能因為拍攝時點心放耐咗又凍咗,的確難以放入口,所以Angelababy先唯有用假食代替。雖然成套戲Angelababy嘅演技有待改善,但憑食嘢呢一幕以假亂真,真喺演技炸裂!
一次生兩次熟 繼續假食無難度
一次假食可能都仲算喺個別事件,但喺發生第二次就真喺相當可疑。Angelababy出演內地綜藝《嚮往的生活2》嘅時候,主動提議想試下傳統嘅爆谷,所以大家就動手去製作,整完爆谷之後,楊穎一面幸福嘅表情表示好食,不過眼利嘅網友發現Angelababy疑似又假食,事關慢鏡頭之下觀察,Angelababy嘴入面根本就無爆谷。令人不禁懷疑Angelababy早前喺大陸節目《十二道鋒味》講過:「我是吃很多都吃不胖的吃貨。」現今被人發現連爆谷都假食。
Angelababy霸氣回應假食
被人講咗假食咁耐嘅Angelababy終於終於回應假食傳聞!Angelababy早前上內地一檔推理真人騷《萌探探探案》就回應當年假食風波,話有好多真食嘅鏡頭但網民並唔關心,只喺留意佢一兩幕假食鏡頭,而當初拍戲假食竟然喺因為導演要求,導演話因為食物道具並沒有替補,如果食咗就會用唔到作拍攝,所以就要求Angelababy假食。事隔咁多年Angelababy終於親身回應,唔知呢個答案網民又收唔收貨呢。
Angelababy如何回應假食時件?
Angelababy早前上內地一檔推理真人騷《萌探探探案》就回應當年假食風波,而當初拍戲假食竟然喺因為…詳情請看
Angelababy的《大漢情緣之雲中歌》,網民有什麼看法?
網民指Angelababy唔單止演技被…詳情請看