大誠實家丨Alton新劇演技造型被恥笑 人氣差到應援物大割價？
廣告
MIRROR成員Alton王智德在ViuTV新劇《大誠實家》擔正，飾演一名不會說謊的誠實社工。至今已經播到第7集，不過今次Alton無論係演技定造型都被觀眾質疑，指佢指第四部劇仍無點進步！
Alton新劇被批演技差
ViuTV在新春檔期推出原創劇《大誠實家》，由MIRROR成員Alton王智德、ERROR阿Dee何啟華、李敏等人擔正。Alton在《大誠實家》中飾演一名不會說謊的誠實社工，與同樣飾演社工的李敏有感情線。至今劇集已經播到第7集，不少網民都在討論區批評Alton演技尷尬，演技毫無進步之餘，與好戲之人李敏仲要一啲都唔夾！
網民恥笑造型似許冠英
此外，除了Alton在《大誠實家》的演技遭受到批評之外，連在劇中的爆炸長髮造型都被網民恥笑。不少網民指出Alton在劇中的造型太似大媽，令人難以入戲之餘，亦有網民直指其髮型似許冠英：「成個許冠英咁」、「個髮型真係有啲似許冠英」、「個死人大媽頭真係搞唔掂」等。
被指人氣差 應援物都要大割價
出道以來一直被稱為MIRROR「下弦」成員的Alton，近日亦被網民翻出其國際後援會的應援物進行新春開倉大割價。該消息一傳出，引來大批網民留言表示出帖奚落，被指是否因為人氣太差，所以才需要大減價散貨：「割都唔買啦」、「都唔知邊個，冇人要正常」、「Mirror入面，佢最無星味，求其街執個都靚仔過佢」等。
圖片來源：ViuTV《大誠實家》截圖、[email protected]資料或影片來源：原文刊於東方新地
