35+LOVE｜36歲Aka趙慧珊自爆5年冇拍拖嘆仍然未放低疑暗示吳業坤

Nov 9 2023

ViuTV戀愛真人騷《35+LOVE》與素人約會其中一位嘉賓為36歲的前女團Super Girls隊長Aka（趙慧珊），佢喺節目中大爆其戀愛經歷，仲話佢一直都放唔低一段關係，搞到5年無拍拖！唔少網民即猜測係未放低的前度極有可能是坤哥吳業坤！

aka 趙慧珊 Aka在節目中與區顯揚約會。 — Aka在節目中與區顯揚約會。（圖片來源：ViuTV影片截圖）

Aka透露5年冇拍拖

最新一集中，Aka與甜品舖老闆區顯揚（Austin／阿B）進行約會，雙方全程有講有笑，Aka明顯對男方嗒晒糖，更大讚他有反差萌很可愛。男方問她情史，Aka亦毫無保留地講晒出嚟，自認曾拍過6次拖，對方問她多久沒有拍拖，她亦全盤托出：「好耐喇，幾年，對上一個都已經4、5年喇。」

aka 趙慧珊 Aka明顯對男方嗒晒糖。 — Aka明顯對男方嗒晒糖。（圖片來源：ViuTV影片截圖）

aka 趙慧珊 2人在男方的餐廳約會。 — 2人在男方的餐廳約會。（圖片來源：ViuTV影片截圖）

aka 趙慧珊 Aka自爆拍過6次拖。 — Aka自爆拍過6次拖。（圖片來源：ViuTV影片截圖）

Aka仍未放低前度

她坦言自己多年未打算展開新戀情，是因為仍然未放低：「我覺得我一直都係未放得低我之前嗰段關係，可能自己有一份執着喺裏面。」她形容自己以「年」為單位去放低一個人，當自己真的非常投入一段感情的時候就會這樣。阿B問：「你會等？」Aka即搖頭：「等唔到lu，係啊。」聽完阿B表示曾經有意與前女友復合，Aka都表示非常明白他當時的心情：「我嗰時都等咗好耐！」

aka 趙慧珊 Aka坦言之所以一直未展開新戀情，是因為仍未放低前度。 — Aka坦言之所以一直未展開新戀情，是因為仍未放低前度。（圖片來源：ViuTV影片截圖）

aka 趙慧珊她表示不會再等待復合，因為「等唔到lu」。 — 她表示不會再等待復合，因為「等唔到lu」。（圖片來源：ViuTV影片截圖）

網民推測講緊吳業坤

Aka口中這位「等唔到lu」的前度，網民一致認為極大可能就是現時已成人夫的吳業坤：「似未放得低坤哥」、「講到咁特定喎」、「娶埋日本妹仲點等」。據報道指，Aka於2012年在《萬眾同心公益金》中認識年輕3歲兼未爆紅的吳業坤，及後被對方力追後於2013年撻着，但當時2人均以事業為重而選擇發展地下情，可惜戀情維持大半年就冇下文，當時有指因為女方嫌男方窮，亦有說法指男方在拍拖期間依然不斷溝女。2人分手後，坤哥曾經講過「冇錢就冇得選擇發展」，令 Aka被標籤成「拜金女」。

aka 趙慧珊 Aka與吳業坤曾傳緋聞多年。 — Aka與吳業坤曾傳緋聞多年。（圖片來源：網上圖片）

Aka曾因情傷日日喊

事後Aka在森美主持的節目《公子會》中公開自己被飛的經歷，直指對方成個月沒有找她，襯對方生日親手做蛋糕又等到凌晨，結果對方收下蛋糕仍與她分手，不明被飛原因的她十分傷心：「係無聲無色咁冇咗，佢叫我等佢，叫我畀佢放個假。我等咗好耐，其間我唔敢搵佢，一直等，等咗成個月！其實身邊嘅朋友都話佢玩我，但我唔信，我真係等，佢有話過到咗嗰邊一定會搵我，但結果都冇！」她雖然沒有指名道姓，只形容對方「好可愛、肥肥哋、戴眼鏡」，但身份依然呼之欲出，她更表示因這段戀情受了很大的傷，分手後一段時間幾乎每晚眼光光到凌晨五點幾瞓唔着覺：「係唯一一次咁傷心，之前嗰啲拍拖分手，我完全無嘢，但呢個係我真係好鍾意！」Aka於2020年推出SOLO歌《你在聽嗎？》，MV男主角的造型都被指與前度坤哥非常相似，令外界覺得MV暗示與坤哥的感情事。不過當時Aka否認，更稱完全沒有此意，叫大家應該向前看。

aka 趙慧珊 Aka曾經在IG公開與坤哥的對話。 — Aka曾經在IG公開與坤哥的對話。（圖片來源：IG@aka_chio）

aka 趙慧珊 Aka因這段情受了很多傷。 — Aka因這段情受了很多傷。（圖片來源：IG@aka_chio）

Aka無聲被飛最傷心

在坤哥爆紅前，已經溝掂Super Girls成員Aka，有指二人拍拖九個月，後來二人分手，Aka被指拜金又港女，後來Aka在電台節目中公開被飛經歷，直指對方成個月沒有找她，她襯對方生日親手做蛋糕又等對方等到凌晨，結果對方收下蛋糕仍與她分手，不明被飛原因的她十分傷心，他形容對方「肥肥哋、戴眼鏡」，令前男友的身份呼之欲出。