70歲李龍基「爺孫戀」嫩妻曬火辣浴照網民：真愛！

Dec 6 2022

有TVB「御用皇帝」之稱70歲李龍基，同第二任嫩妻Chris Wong展開「爺孫戀」，曝光嫩妻只有年約30歲後，一直備受關注。而早前先孖嫩妻、一班好友慶祝其70歲大壽，曾表示怕自己先走一步，將名下7個物業全歸年約30歲現任太太Chris Wong名下，十分豪氣。而嫩妻Chris Wong經常ig po出唔少與名人打卡的照片之餘，近日仲驚爆po出一張浴照，令網民好奇照片係咪70歲李龍基所拍？！

李龍基嫩妻曬浴照

近日70歲李龍基嫩妻Chris Wong於ig po出一張浴照，照片可見Chris似乎去咗酒店staycation享受人生，浸於圓型大浴缸中，露出白滑玉背同美腿，旁邊放咗一杯紅酒同香薰精油，未知照片係咪李龍基親自操刀，但此情此景都令唔少網民認為係男友／老公視角拍攝，指罕有洩蜜！

李龍基 chris早前於ig的性感照，而家已經收埋晒無得睇 — chris早前於ig的性感照，而家已經收埋晒無得睇（圖片來源：ig＠chrisart1017）

網民：真愛

唔少睇網民完，高呼李龍基「老當益壯」，，認為李龍基與嫩妻Chris Wong年齡甚有差距，但都會陪嫩妻去做年輕人做嘅事！不過有網民就表示「好彩係李龍基，唔係即刻諗起某啲情節」「皇上萬歲萬歲萬萬歲」

重溫李龍基放飛機遇怪事

李龍基早前出席萬聖節活動，分享早前與太太Chris去郊外玩遙控飛機時遇到的一件奇異事件，他表示遙控飛機失控墜落，平時他不會去執，會由一些壯年的朋友代勞，但這次他帶著太太去執，執到飛機卻搵唔到出路，更一度懷疑誤闖結界。

剛於11月1日生日的李龍基，有大班好友陪住慶祝70歲大壽。（圖片來源：Facebook@李龍基）

個髮型似足壽包的李龍基，與細三十幾年的內地太太Chris Wong。（圖片來源：Facebook@李龍基）

最後搵朋友打救

李龍基接受TVB娛樂新聞台訪問時說：「我搵完架飛機出唔返嚟……喺個好細嘅範圍行來行去，爬山爬到筋疲力盡，冇辦法喇，絕望到想打999，都係唔好，試下打畀我個朋友睇下佢救唔救到我，原來個朋友距離我出事嘅地點好近，真係好神奇！」

心痛連累老婆

搵唔到回頭路驚惶未定，李龍基更不慎跌倒，嚇到嫩妻失魂落魄，李龍基續說：「當我朋友搵到我之後，我哋要過條溪澗，可能真係體力不支，跣一跣，個頭砰一聲撼落嚿石度，當時好恐怖，我成塊面成身都係血，撼到鼻都流血……嚇到我老婆直情跪喺度喊，我都好心噏，累到佢。」李龍基竟然冇去醫院，在遙控飛機會坐一陣抹乾啲血就算！